Lugo, 6 de xuño de 2022. Ante as manifestacións realizadas polo Grupo Provincial do Partido Popular sobre o persoal do Centro de Atención a Maiores (CAM) de Trabada, a Deputación emite o seguinte comunicado:
– Se o Partido Popular fixera ben o seu traballo na oposición e non quixera manipular, sabería que a entidade adxudicataria das prestacións básicas do Centro de Atención a Maiores de Trabada, ao igual que calquera empresa que preste servizos para unha Administración, é responsable e autónoma para decidir sobre os seus recursos humanos e ten dereito a súa auto organización, dentro da legalidade vixente. No contrato administrativo que ten a Deputación non se establece, baixo ningún concepto, que a adxudicataria teña a obriga de contratar ou de manter no cadro de persoal a aquelas persoas que a institución provincial considere, entre outras cuestións porque non é legal. Polo tanto, é a empresa a que destina os recursos materiais e humanos que mellor se adapten ao obxecto do contrato, segundo a actual normativa. Queremos crer que o Partido Popular actúa da mesma maneira naquelas institucións onde goberna.
– Dentro do marco do actual contrato e dentro das súas competencias, a Deputación solicitou en varias ocasións á adxudicataria das prestacións básicas documentación relativa ao cumprimento do convenio colectivo de aplicación e outras cuestións laborais como altas na Seguridade Social, e non advertiu ningunha irregularidade. Sorprende a facilidade que ten o Partido Popular para acceder a certa documentación, cando a propia Deputación de Lugo non pode ter acceso en cumprimento da Lei 3/2018, de 5 de decembro, de Protección de Datos Persoais e Garantía de Dereitos Dixitais.
– A Deputación de Lugo tamén solicitou copia das suxestións, peticións e queixas realizadas polo persoal da empresa en relación co cumprimento da normativa legal en materia laboral. A entidade prestadora dos servizos básicos respondeu a esta petición que non consta formulada ningunha e que, exclusivamente, ten coñecemento do comunicado do SAE que publicaron algúns medios de comunicación, un escrito, que, en todo caso, non lles foi remitido.
– En canto á petición que fai o PP de que se reincorpore canto antes a esta traballadora ao seu posto, debemos subliñar que a Deputación de Lugo non ten esa potestade nin competencia, que corresponde claramente a outros estamentos. Unha vez máis, o PP, no seu empeño por manipular, apunta mal.
– En relación a que se atenda ás reclamacións das persoas empregadas na residencia de Trabada que demandan mellores condicións laborais e que se cumpra o establecido no seu momento, reiteramos que á entidade prestadora dos servizos básicos non lle consta ningunha reclamación formal nin incumprimento do actual convenio colectivo que ten aprobado a propia Xunta de Galicia.
– En todo caso, en aras da transparencia, a Deputación de Lugo remite á empresa para que aclare calquera cuestión ao respecto.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
