A Mariña, 29 de xullo de 2022. A Mancomunidade de Concellos da Mariña Lucense colabora na mellora da sinalización turística do legado indiano en Ourol a través de placas con códigos QR e un folleto para ampliar información sobre 17 edificacións. A información estará dispoñible na web de Turismo da Mancomunidade e a publicación na Casa do Concello ourolesa e tamén nas oficinas de turismo da comarca. A iniciativa, que se enmarca no Plan de Sostibilidade Turística, ten por obxectivo revalorizar o patrimonio e a historial local.
No día de hoxe o presidente da Mancomunidade de Concellos da Mariña Lucense, Francisco Cajoto, acompañado do alcalde do Concello de Ourol, José Luis Pajón, de Pilar García Porto, en representación da Deputación de Lugo, Paloma Vázquez por parte da Xunta de Galicia e Isabel Rodríguez, subdelegada do Goberno en Lugo, visitaron o concello ourolense para coñecer os resultados dos traballos en torno á Ruta Indiana en Ourol, unha nova proposta turística e cultural para revalorizar o patrimonio e a historia local.
Cajoto explicou que “con este proxecto colabora a Mancomunidade a cargo da liña de mellora da sinalización turística no destino dentro do Plan de Sostibilidade Turística na Mariña Lucense, convenio subscrito entre a Mancomunidade, a Axencia de Turismo de Galicia da Xunta e a Secretaría de Estado de Turismo, co apoio da Deputación de Lugo. Esta iniciativa encádrase dentro dos obxectivos do PST na Mariña Lucense, como é impulsar un desenvolvemento turístico sostible no territorio poñendo en valor o seu patrimonio cultural e natural para frear a perda demográfica especialmente nas áreas rurais axudando a redistribuír o gran fluxo de persoas que se concentran no litoral”.
O presidente da Mancomunidade indicou que “a ruta propón un percorrido polo patrimonio indiano máis destacado do municipio de Ourol, abarcando quince fermosas vivendas, as antigas escolas de Merille e Vicente Casavella (hoxe Casa do Concello) e o emblemático Cemiterio de Xerdíz, construído en 1908. As dezasete edificacións atópanse identificadas con placas que conteñen códigos QR que permiten acceder á información descritiva situada na web oficial de turismo da Mariña Lucense (amarinalucense.gal), polo que tamén terán acceso a ela todas as persoas que entren nesa páxina”.
O alcalde de Ourol, José Luis Pajón, lembrou que “por desgraza este concello, coma moitos mais de Galicia, sufriron o problema da emigración, aínda o sofren hoxe en día. Entonces esta xente que foi sobre todo para Cuba, que fixo fortuna alá, que lles foi moi ben, que tiveron negocios, empresas, pois reverteron aquí para demostrar un pouco a capacidade económica que tiñan naquel momento facendo unhas edificacións moi bonitas e grandes. Aquí temos unhas cantas no noso concello que queremos poñer en valor porque queiras ou non é un patrimonio que temos aquí, que de momento case era descoñecido, era coñecido pola xente de aquí nada máis, pola xente da zona”. O rexedor agarda que se convertan nun reclamo turístico.
Fran Cajoto subliñou que “se trata dunha proposta integradora do patrimonio local, que achega aos visitantes -a través da arquitectura- a unha parte imprescindible da historia da Mariña Lucense: a emigración a América e o relevante legado que os emigrados deixaron no territorio. Para promover esta nova iniciativa, creouse unha imaxe de marca desta ruta e editouse un folleto bilingüe galego-castelán, que estará dispoñible na Casa do Concello de Ourol e nas oficinas de turismo da Mariña Lucense”. Dende a Mancomunidade estúdase a posibilidade de continuar este traballo, que xa se iniciou previamente en concellos coma Ribadeo cunha aposta firme polo seu legado indiano, no resto de municipios con destacado patrimonio relacionado.
Saídas guiadas nun autobús de época
Por outra banda, o Concello organiza na fin de semana do 6 e 7 de agosto, saídas guiadas gratuítas nun autobús de época, nas que o vehículo percorrerá algúns dos puntos máis significativos do roteiro, acompañando aos viaxeiros nunha singular viaxe no tempo. Ofertáronse catro saídas o sábado 6 e dúas o domingo 7 cun total de 96 prazas que se completaron en cuestión de horas.
O alcalde ourelés destacou a acollida da iniciativa: “cando abrimos as inscricións creo que ao segundo día xa apenas quedaban prazas, a verdade é que a acollida foi estupenda, eu case estaba un pouco sorprendido, entonces eu augúrolle bastante éxito a isto. O primeiro día, que é o 6 de agosto, vamos rematar aquí a xornada cun pequeno concerto con boleros, tangos, cancións típicas do Caribe e de Sudamérica”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
