A titular de Mar mostra a súa preocupación polos pasos que está a dar a Comisión Europea neste eido recorrendo a datos que semellan parciais e desactualizados
Santiago de Compostela, 5 de xullo de 2022. A conselleira do Mar, Rosa Quintana, lamentou hoxe os últimos pasos dados por Bruxelas en relación coa pesca de fondo en augas comunitarias e advertiu de que sería un moi mal precedente que avanzase de xeito unilateral na súa prohibición. Fíxoo durante a sinatura do Manifesto en defensa da pesca, o marisqueo, a acuicultura e a cadea mar-industria europeas, no que Galicia pide á Comisión Europea que defenda estas actividades daqueles que queren atacalas con intereses pouco transparentes.
O documento lamenta que a política medioambiental estea a impoñerse á pesqueira e pon como exemplo a limitación á pesca de fondo en augas europeas. Neste sentido, a representante do Executivo galego censurou que Bruxelas pretenda adoptar unha decisión tan drástica en base a datos que semellan parciais e desactualizados.
Por iso, a titular de Mar mostrou a súa confianza en que o Executivo comunitario rectifique e inicie unha consulta seria e rigorosa entre todas as partes implicadas antes de adoptar unha decisión. Neste sentido, lembrou que a votación realizada no seo da UE non contou con maioría cualificada e que se descoñecen os ditames biolóxicos e socioeconómicos nos que baseou a súa proposta.
Rosa Quintana subliñou que Galicia está a analizar as repercusións xurídicas que tería a medida e as actuacións que se poden realizar na defensa dos intereses da frota galega. A prohibición da pesca de fondo en preto dun cento de zonas en augas comunitarias suporía un gran prexuízo para as frotas de Gran Sol e de litoral, poñendo en risco centos de postos de traballo.
Por este tipo de cuestións, o manifesto de apoio ao sector pesqueiro aposta por unha revisión da Política Pesqueira Común (PPC) na que Bruxelas teña en conta que a pesca e a acuicultura supoñen unha fonte fundamental de alimento de recoñecido valor nutritivo e que teñen unha baixa pegada de carbono, polo que son actividades chave na seguridade alimentaria europea e mundial no contexto do cambio climático.
Ante esta situación, o documento sinala a transcendencia de avaliar se as actuais carencias da PPC son debidas á falta de aplicación ou á necesidade de mellorar o seu deseño e os seus instrumentos facendo fronte a importantes retos como a remuda xeracional no sector, o brexit ou o cambio climático. Precisamente, neste último punto, os asinantes consideran o sector do mar parte da solución -e non o problema- polo que apostan por avanzar por ese camiño.
Proceso
O manifesto asinado hoxe foi subscrito por distintas entidades da cadea mar-industria de Galicia e nos próximos días remitirase ao resto de comunidades e rexións pesqueiras europeas coa finalidade de que se sumen a el e poder conformar unha fronte común forte na defensa do sector. A maiores, a Xunta remitirá o manifesto aos deputados galegos do Parlamento Europeo para que coñezan o seu contido e o teñan en conta á hora de definir o seu voto nas decisións de calado referentes ao eido do mar que debe aprobar a Eurocámara.
Entre as entidades asinantes ou que subscribiron o documento están a federación nacional, a galega e as tres federacións provinciais de confrarías de pescadores de Galicia, Anfaco-Cecopesca, Conxemar, Apromar, o Clúster da Acuicultura de Galicia, Opmega, Amegrove, FARN, Anmupesca, a Lonxa da Coruña, CCOO-Galicia, UGT-Galicia, ARVI -incluídas distintas asociacións que a integran-, a Sociedade Cooperativa Santa Uxía de Ribeira, a OPP7 de Burela, ABSA, Acerga, Pescagalicia-Arpega-O Barco, a OPP13 da Coruña, Opromar, Arpesco, Orpagu, Porto de Celeiro e a asociación Cerqueiros Galegos.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.