Alfoz acolleu este luns o primeiro dunha serie de 7 encontros comarcais para 35 persoas dos 67 concellos
Lugo, 4 de xullo de 2022. A Deputada de Muller e Igualdade, María Loureiro, presentou esta mañá na Casa da Cultura de Alfoz o programa Feminino rural. Evolución, que ofrecerá de forma totalmente gratuíta formación, acompañamento e asesoramento personalizado a mulleres empresarias e emprendedoras do rural da provincia para mellorar ou lanzar os seus negocios. A institución provincial financia integramente cunha achega de 40.000€ esta iniciativa, que desenvolve a Asociación de Empresarias de Lugo (AELU).
No acto, a Deputada estivo acompañada polo Alcalde de Alfoz, Jorge Val, a Concelleira de Servizos Sociais e Igualdade, Aránzazu Incera, e a técnica de AELU encargada do proxecto, Úrsula Pérez.
“Desde a Deputación de Lugo temos claro que a creación de emprego, sobre todo xuvenil e feminino, é un factor imprescindible para que haxa actividade económica e para fixar poboación no territorio”, sinalou Loureiro. A Deputada avanzou que “así como hoxe estamos na Mariña, levaremos esta iniciativa a todas as comarcas da provincia porque queremos chegar ao maior número de mulleres posible e facilitar tamén a súa participación”.
O obxectivo deste primeiro encontro, tal e como destacou a Deputada, “é coñecer os proxectos e fomentar o intercambio de experiencias entre as participantes, que beneficien aos proxectos individuais de cada unha”. Logo haberá unha segunda fase na que se dará formación e asesoramento dunha maneira personalizada que, no caso das empresarias, irá dirixido a mellorar o funcionamento, gañar competitividade e abrir novos mercados das empresas que teñen en marcha; e, no caso das emprendedoras, recibirán apoio para constituír e para arrancar a súa propia empresa.
María Loureiro desexou que as participantes poidan sacarlle o máximo partido a este programa, “porque iso beneficiará ás empresarias e emprendedoras e, ao mesmo, tempo, será positivo para o emprego e para a economía do conxunto da provincia de Lugo”.
Unha serie de 7 encontros na provincia
Ademais deste encontro que tivo lugar hoxe na Mariña, durante o mes de xullo terán lugar outras seis citas comarcais para presentar este programa nos concellos da Fonsagrada, Vilalba, O Saviñao, Láncara, Antas de Ulla e Lugo.
En cada comarca habilitaranse 25 prazas co obxectivo de crear sinerxías entre os establecementos de cada zona, fomentando o intercambio de coñecementos e de experiencias entre empresarias e emprendedoras. Despois, haberá unha segunda fase onde participe unha selección de 5 empresarias e emprendedoras por comarca que sairán das reunións de traballo. Polo tanto, un total de 35 persoas recibirán unha formación e un asesoramento personalizados, que irán dirixidos a mellorar o funcionamento, gañar competitividade e abrir novos mercados no caso das empresarias que teñan os negocios en marcha, e para constituír e arrancar a empresa no caso das emprendedoras participantes.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
