Ribadeo, 22 de xullo de 2022. Hoxe inaugurouse en Ribadeo a exposición A Casa de Galicia. 50 anos da Casa de Rosalía na que se repasa a historia deste museo e se lembra o fito que supuxo en pleno franquismo conseguir mercar, restaurar e musealizar esta Casa grazas á colaboración de milleiros de persoas.
A mostra, que se pode visitar no Campo de San Francisco ata o 7 de agosto, está comisariada por Pepe Barro, tamén autor da museoloxía da Casa-Museo. Foi inaugurada este mediodía por Anxo Angueira, presidente da Fundación Rosalía, e pola concelleira de Cultura, Pilar Otero. Ribadeo é a primeira etapa desta exposición que viaxará logo por Foz, Sarria, Vilalba, Chantada e Becerreá, grazas á Vicepresidencia da Deputación de Lugo.
Anxo Angueira dixo que “esta exposición fai un repaso pola historia desta Casa-Museo que se abriu ao público o 15 de xullo de 1971, en pleno franquismo grazas á implicación de milleiros de persoas e entidades de todo o país e da emigración. O Patronato Rosalía, creado en 1947, converteuse en refuxio do galeguismo, con actos, como a Misa de Rosalía en Bonaval, que eran auténticos encontros de afirmación galeguista. Nin sequera o franquismo puido facerlle fronte á vontade popular de recuperar esta Casa”.
O presidente da Fundación Rosalía explicou que “son como catro espazos, catro cuartos que van contando a historia da casa. Tamén está a porta, tamén está a fiestra e desde aquí Rosalía podería ver o mar da ría de Ribadeo e o mar Cantábrico. Para nos é unha satisfacción extraordinaria ver como Ribadeo e a Deputación de Lugo queren facer súa a Rosalía, porque Rosalía é de todos, non é de Padrón en exclusiva nin é de Santiago, Rosalía é de todos, pero especialmente daqueles como o Concello de Ribadeo e a Deputación de Lugo que a queren facer súa. Para nós é un día feliz porque a xente poida ver aquí en Ribadeo tamén que a Casa de Rosalía é o esforzo comunal de todo o pobo galego durante décadas”.
A concelleira de Cultura, Pilar Otero, tivo palabras de agradecemento: “agradecer que Ribadeo sexa a primeira parada desta exposición sobre os 50 anos da Casa de Rosalía. Agradecer á Vicepresencia da Deputación e á Fundación Rosalía por contar co Concello de Ribadeo”.
E subliñou que “para nós ter exposicións deste calado é moi importante. A xente que se achegue a Ribadeo vai poder coñecer un pouco máis da historia desta Casa Museo de Rosalía, que tanto custou e que contou co apoio de tanta xente de aquí e de acolá, xente da emigración, esa xente que tamén é moi importante para os ribadenses e para a historia de Ribadeo”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
