Ribadeo, 6 de xullo de 2022. Concello e Acisa ultiman os preparativos do Ribadeo Indiano. O alcalde, Fernando Suárez, dixo que o fan “con moita ilusión e esforzo” e que este Ribadeo Indiano ten o programa de actividades mais intenso de todas as edicións. O rexedor subliñou que ademais dos aparcamentos habituais estanse habilitando outros adicionais na rúa do Pipelo, rúa Pintor Fierros, na estación vella do tren e ao remate da Avda Rosalía de Castro. Son en total 660 novas prazas para o estacionamento de vehículos.
Suárez Barcia manifestou: “con toda a ilusión e con todo o esforzo estamos traballando o Concello e máis Acisa na organización deste Ribadeo Indiano. Despois da pandemia vemos que hai moitas ganas na xente de Ribadeo e na que non é de aquí pero que nos ten como punto estratéxico de encontro. Esta sétima edición do Ribadeo Indiano esperamos, se o tempo acompaña, que parece que si, que sexa o fenómeno máis relevante do ano 2022 aquí, en Ribadeo”.
O alcalde sinalou que “todos os traballadores e as traballadoras están dando o mellor de si para ter todo a punto: todas a intendencias e os preparativos dos eventos culturais, das exposicións, dos concertos en diferentes lugares da vila e na Devesa tamén”.
O rexedor subliñou que “o programa é o máis intenso de todos os anos en actividades culturais e históricas e en actuacións musicais, etcétera. Levaríanos moito tempo explicalo polo miúdo, pero na páxina web do Ribadeo Indiano e nas redes sociais están todos os programas das diferentes actividades que vai haber en Ribadeo ao longo desta fin de semana”.
Fernando Suárez explicou que “tamén estamos habilitando aparcamentos adicionais aos que xa hai. Actualmente, desde hai anos, aparte dos aparcamentos municipais estables temos outros a través de contrato de comodato, como o do Gadis, o de Ramón González ou o de Lazúrtegui, que teñen unhas 800 prazas. E agora, para este Ribadeo Indiano, habilitamos varios máis; algúns en solares que nos prestan os seus propietarios. Nalgúns casos imos poñelos por primeira vez, como o da rúa do Pipelo, no casco vello, tamén na rúa Pintor Fierros, outro novo que vamos habilitar na estación vella do tren e outro máis nun terreo que nos prestan tamén ao final da rúa Rosalía de Castro. En total supoñen unhas 660 novas prazas de aparcamento, que sumados aos que hai habitualmente teremos unhas 1.500 prazas para o estacionamento de vehículos para que non haxa escusa para non vir a Ribadeo porque para aparcar non vai haber problema”.
O alcalde ribadense animou a participar no VII Riibadeo Indiano: “a todos os que non son de Ribadeo nin da comarca e teñen dúbidas de vir temos que dicirlles que os hoteis e restaurantes teñen moitas reservas xa, pero seguro que sempre haberá un oco para que todas aquelas persoas que queiran disfrutar de todos estes eventos e comer nos diferentes restaurantes, bares, mesóns, etcétera poidan facelo. Para iso estamos dando todos o mellor de nós”.
E engadiu: “este Ribadeo Indiano neste ano dedícase á muller galega na emigración e vai contar no día da inauguración coa presidenta do Consello da Cultura Galega, Rosario Álvarez, que vai facer o acto de presentación no Teatro ás sete da tarde. E así dará comezo o amplo abano de actividades durante esta fin de semana”.
As rúas e as rotondas de acceso a Ribadeo xa se atopan engalanadas para a ocasión.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
