Lourenzá, 11 de xullo de 2022. Ao equipo de goberno do Concello de Lourenzá sorpréndelle “que a reacción dos populares locais ás recentes declaracións da presidenta provincial do PP e do alcalde de Mondoñedo sexa un ataque ao goberno de Lourenzá e non unha defensa dos intereses do noso concello ante as intencións da señora Candia e do señor Otero de levar o final de etapa do Camiño do Norte a Mondoñedo. Supoñemos que o farán seguindo ordes da superioridade”.
“Nótase que o novo presidente do PP local non vive nin traballa no termo municipal, será por iso que descoñece todas as iniciativas que se levan a cabo desde o Concello para impulsar o Camiño de Santiago como final de etapa, algo que nos corresponde historicamente; e que teña a seguridade de que mentres goberne este equipo loitaremos, xunto con toda a veciñanza, para que non se leven a cabo as pretensións dos gobernantes mindonienses. Debe saber o novo responsable popular que Lourenzá conta cun albergue público, recentemente reformado, e con tres novos albergues privados. Contamos cunha nova oficina de turismo e temos unha técnica de turismo que, como todo o mundo sabe, atende aos peregrinos case as 24 horas porque ata ten publicado o seu teléfono particular. É de todos coñecido o gran traballo que realiza no impulso do Camiño. Tamén destacamos o traballo feito pola empregadas que atenden o albergue público e que reciben numerosos parabéns dos visitantes. Tamén debe descoñecer o responsable popular que moitas veces se habilita o pavillón polideportivo para albergar a grupos numerosos de peregrinos. A técnica de cultura tamén colabora en ocasións organizando visitas e dando información aos peregrinos que acoden á biblioteca municipal. Desde as Escolas Deportivas tamén colaboran organizando a Milla Lourenzá Fin de Etapa Camiño Norte.
Celebramos Xornadas de Historia Local sobre a importancia de Lourenzá no Camiño Norte. Contamos cunha ruta con audioguía sobre a figura de Fernández del Riego a disposición dos visitantes, etcétera”, explican os gobernantes municipais de Lourenzá.
O equipo de goberno laurentino engade: “cremos que, aínda que non viva en Lourenzá, o responsable popular debe saber que a restauración en Lourenzá está exenta do pago de taxas por terrazas, tiveron descontos na taxa de lixo, repartíronse lotes de carne de poldro e de porco celta para a elaboración de tapas, etcétera. Como el ben debe saber a decisión de traballar ou montar un negocio na localidade ou fóra dela é algo que non lle corresponde ao equipo de goberno, son iniciativas do ámbito privado.
Por último, parece que no PP local cambiaron a pluma pero non as formas. Pensamos que é pouco elegante e desleal co funcionamento democrático o publicar as preguntas que se levan ao Pleno antes de que o interpelado teña a posibilidade de contestala. O grupo socialista ten preparada para presentar no próximo Pleno unha moción relativa ao Final de Etapa do Camiño do Norte. Por respecto á Corporación Municipal darémola a coñecer e debaterase no lugar que lle corresponde, agardando que conte co apoio do grupo popular, sempre que primen os intereses da veciñanza laurentina sobre os da presidenta provincial do Partido Popular”.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
