Os populares expuxeron unha batería de preguntas ao executivo central nas que transmiten o malestar dos veciños e dos representantes de Adif pola grave posición na que se atopa a comarca lucense en materia ferroviaria
Lugo, 28 de xullo de 2022. A liña ferroviara estreita de A Mariña en Lugo leva devaluándose ano tras ano. Cada vez son menos as frecuencias dos trens, menos fiables polas averías de unidades defectuosas e incluso moitas das liñas carecen de persoal suficiente tanto nos ferrocarrís como nas estacións.
Os senadores populares esixen explicacións ao executivo central ante este despropósito que está a sufrir a comarca. O Goberno de España anunciou recentemente unha inversión de 24 millóns de euros para mellorar o servizo que presta o ferrocarril na comarca nos vindeiros 27 meses.
Por outra banda, representantes de Comisións Obreiras reuníronse no mes de xullo cos alcaldes da comarca para transmitirlles a súa inquietude por este tema, pois o problema reside na disposición transitoria terceira da nova Lei de Mobilidade Sostible que está preparando o goberno e que sería unha ferramenta política para a posible eliminación definitiva do servizo ferroviario de vía estreita que comunica e vertebra A Mariña lucense.
A senadora do PP de Lugo, Rosa Arza di: “Esta nova Lei de Mobilidade Sostible que está a preparar o goberno central podería ser utilizada como instrumento legal para eliminar este servizo ferroviario, apelando a criterios economicistas que non atenden ás necesidades reais da poboación”.
Con esta reunión, o obxectivo dos representantes sindicales de Adif foi o de buscar solucións e tratar de facer un frente unido para evitar a marxinación á que está exposta a comarca en materia de infraestructuras ferroviarias.
Ademáis, sublíñase que os habitantes dos núcleos rurais da provincia de Lugo están afectados polas políticas de transporte do executivo central, aumentando o despoboamento das zonas máis afastadas das grandes cidades.
Batería de preguntas
Como consecuencia das queixas constantes dos veciños e dos representantes sindicais en materia ferroviaria, os senadores do Partido Popular de Lugo expuxeron unha batería de preguntas ao goberno de Pedro Sanchez.
Rosa Arza explica: “Remitimos estas preguntas para coñocer as intencións do executivo respecto a este servizo de FEVE que comunica e vertebra a comarca da mariña lucense e do cal é totalmente responsable”.
Entre as preguntas que se fixeron neste aspecto son:
– Está a incluír o Goberno de España a disposición transitoria terceira da Lei de Mobilidade Sostible para utilizala como instrumento legal para efectuar unha eliminación definitiva do servizo ferroviario de ancho métrico?
– Está a barallar o Goberno central a posibilidade de eliminar a liña de ancho ferroviario métrico que comunica e vertebra a comarca da Mariña lucense?
– Con cantos traballadores contaba FEVE en 2019 na comarca da Mariña e cantos ten na actualidade?
– Pensou nalgún momento o Goberno de España nas necesidades ferroviarias dos cidadáns do rural e en como estas medidas poden fomentar o despoboamento do rural?
– A que cre o Goberno central que se debe a preocupación dos sindicatos e dos propios traballadores dos servizos ferroviarios ante unha posible desaparición da liña estreita ferroviaria na comarca da Mariña?
– Como valora o Goberno central que os propios traballadores de Adif esixan “acabar coa marxinación da comarca en infraestruturas” e aludan a unha “necesidade urxente” de melloras e a un “escaso avance ante as peticións” realizadas polos afectados?
– Por que o Delegado do Goberno en Galicia négase a reunirse cos representante sindicais de Adif para abordar os problemas que afectan á liña ferroviaria de vía estreita da Mariña?
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
