Foz, 2 de xullo, 2022. O padexeiro focense Xoel Docal venceu por segundo ano consecutivo a LX Travesía Internacional Ría de Foz, na categoría K2 absoluta (K2 Senior), este ano xunto ao seu compañeiro Albert Liberal (Club Ría de Betanzos).
O tempo investido polo barco gañador foi de 00:49:00,83, quedando segunda a embarcación formada por Diego Gomez e Ivan Dominguez do Club Confraría Pescadores de Portonovo e en terceira posición o barco formado por Darío Rodriguez e Pablo Vazquez do Club Ría de Betanzos.
A regata foi dominada de principio a fin polo barco do focense que practicamente se escapou desde inicio coa embarcación K2 Veteranos tamén do Ría de Betanzos de Neftali Paraxe e Adolfo Monteagudo, quen gañou na súa categoría. A falta de 1000 metros para a meta un forte tirón do K2 de Xoel e Albert deixou sentenciada a regata cunha folgada vantaxe na liña de meta.
Os resultados alcanzados polos padexeiros locais do Club Kaiak de Foz, foron:
Ramon Lanzós 11º en K1 Master.
Enrique Díaz 13º K1 Master.
Angel Gomez 15 K1 Master.
Iago García 10º K1 Xuvenil (envorcou e aínda así conseguiu volver subirse ao K1 e remontar ata esa décima posición).
Nerea Debasa 5ª Muller K1 Xuvenil.
Maria Fernandez & Ainhoa Perez 2ª en Muller K2 Xuvenil
Na clasificación por clubs foi primeiro o Cidade de Lugo, segunda posición para o Club Ría de Betanzos e en terceira o Club Naval de Pontevedra. O Club Organizado, Club Kaiak de Fo,z acadou a décima posición.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
