Viveiro, 13 de agosto, 2022. A Real Filharmonía de Galicia cautivou no concerto inaugural da novena edición do ‘Festival Bal y Gay’, que tivo lugar este venres 12 de agosto no Teatro Pastor Díaz de Viveiro ante preto de 300 espectadores tras esgotarse previamente todas as entradas. Emblema cultural de Galicia con máis de 25 anos de historia, a orquestra dirixida polo seu director asociado Maximino Zumalave comezou a actuación coa ‘Serenata para cordas’ de Xesús Bal y Gay, insigne compositor e musicólogo lucense que dá nome ao festival. Unha obra sobresaliente composta a principios dos anos 40, acorde co neoclasicismo e influenciada por coetáneos como Stravinski.
Posteriormente, o concerto concluíu coa ‘Septima Sinfonía’ de Beethoven, popular peza ilustre do xenio alemán.
Armida Quartett, cuarteto de música de cámara europeo con gran proxección mundial, protagonizará este sábado 13 de agosto a segunda xornada do festival nun dos escenarios máis emblemáticos da comarca: o Pazo do Conde de Fontao en Foz (20:30 horas, entradas esgotadas). Unha fascinante xoia histórica e patrimonial cuxos orixes se remontan a mediados do século XVI. Martin Funda (violín), Johanna Staemmler (violín), Teresa Schwamm-Biskamp (viola) e Peter-Philipp Staemmler (violoncelo) interpretarán obras de Bach (Auszüge aus: Die Kunst der Fuge BWV 1080), Nikodijevic (Streichquartett Non.2) e Mozart (Adagio und Fuge c-moll KV 546, Streichquartett C-Dur KV 465). Armida Quartett chegará por primeira vez ao festival tras percorrer os mellores auditorios de Europa, Asia e Estados Unidos.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
