Difundiron información para concienciar á veciñanza sobre a utilización deste espazo, evitando que depositen materiais voluminosos nos contedores sen avisar previamente á empresa de limpeza
Burela, 2 de agosto de 2022. A Aula Gaia do Concello de Burela continúa co seu programa de actividades vencelladas á Bandeira Azul para concienciar sobre o respecto ao medio ambiente, cunha campaña informativa nesta ocasión sobre a utilización do Punto Limpo entre os veciños e veciñas.
Informaron en diferentes puntos da vila sobre o significado e usos dun Punto Limpo, as cousas que se deben depositar e as que non ou o horario de funcionamento, entre outras. A campaña informativa perseguiu o obxectivo de concienciar a todas as persoas sobre o correcto uso destes espazos, así como previr e evitar que se deixen a pé de contedor obxectos e materiais voluminosos sen avisar previamente á empresa encargada de trasladalos e depositalos no Punto Limpo.
Ademais, esta mañá as monitoras de Gaia e as nenas e nenos da Ocioteca de Verán estiveron cos operarios da empresa de limpeza para aprender e comprobar como recollen os enseres e o tratamento e proceso que fan con eles. Tamén realizaron unha ruta polo Sendeiro Azul desde a praia do Ril ata a praia do Portelo dentro desta mesma campaña de concienciación, que se suma a outras tres actividades xa realizadas este verán dentro do programa Bandeira Azul no que participa o Concello. Obradoiros sobre a importancia de manter as praias limpas e non tirar cabichas, repartindo cinceiros ecolóxicos, actividades sobre o coñecemento das plantas do litoral burelés coa creación de cadernos de campo, iniciativas artísticas con materiais naturais como os mosaicos realizados con cunchas, pedras e paos, e agora esta campaña informativa sobre o Punto Limpo, contribúen a espallar valores medioambientais imprescindibles para un futuro sostible no que urxe cambiar dinámicas e previr o avance perigoso da contaminación e o cambio climático.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
