Valentín García salientou o labor da Academia Xacobea “quen desde un primeiro momento toma a dirección da organización destas xornadas”
Santiago, 2 de agosto de 2022. O secretario xeral de Política Lingüítica, Valentín García, e o presidente da Academia Xacobea, Xesús Palmou, presentaron hoxe a programación das XVII Xornadas Mar por Medio, que se desenvolverán en Ribadeo entre o 16 e o 18 de setembro.
Unhas Xornadas que durante moitos anos valeron para a proxección, análise, debate e estudo do que é a Galicia contemporánea; fundadas polo que foi director do Centro de Estudos Galegos na Universidade de Oxford, John Rutherford, e que vinculou a este concello singular da mariña lucense aos máis altos especialistas na visión e no estudo pormenorizado de moitísimas temáticas diferentes.
O secretario xeral destacou que “tras un parón bastante máis grande do desexable, desde a Xunta de Galicia decidimos apoiar a reedición desta cita que durante o verán vai ser a que analice o feito xacobeo, os camiños de Santiago, e para iso puxémonos en contacto e colaboración coa Academia Xacobea”. Así salientou o labor da Academia “quen desde un primeiro momento toma a dirección destas xornadas, e coa colaboración de operadores locais de Ribadeo e a Universidade de Santiago, e a adhesión da Deputacion de Lugo e o Concello de Ribadeo fai posible que esteamos presentando unhas xornadas que cremos van ter unha gran aceptación, que contemplan moitos puntos de vista do Xacobeo”.
García afirmou que ademais desta temática que ten que ver cos camiños, cos peregrinos, haberá momentos para o lecer como é a actividade musical e tamén para facer unha referencia a unha poetisa ribadense da que este ano celebramos o seu centenario Luz Pozo Garza, a importancia da súa figura e da súa persoa estará presenta tamén nestas xornadas
Pola súa banda, Xesús Palmou amosouse “honrado de que a Academia que preside lidere a organización” destas Xornadas Mar por Medio, dacordo coa Xunta de Galicia, e a Universidade, coa colaboración ademais da Deputación de Lugo e o Concello de Ribadeo, “posto que entra dentro dos obxectivos e fins fundacionais da nosa Academia que son a investigación, estudo, promoción e divulgación do Camiño de Santiago”.
Unha xornadas, engadiu, “nas que se analizan diversos aspectos do Camiño de Santiago e o fenómeno Xacobeo en xeral”, coa participación de catedráticos de diferentes universidades, Académicos entre os que se atopa o Deán da Catedral de Santiago, D. José Fernández Lago, e persoas expertas en cada un dos temas que se van tratar, como poder ser a xornalista Esther Eiros no eido da comunicación. Ademais dentro das diversas actuacións musicais cabe destacar a intervención de María do Ceo.
O programa das xornadas, que terán lugar entre o 16 e o 18 de setembro en Ribadeo, está xa completamento pechado e, a día de hoxe, 10 días despois da apertura de incricións, hai xa 40 persoas apuntadas e poden seguir facéndoo a través da web www.AcademiaXacobea.gal
Pola súa banda, o ribadense Manuel Balín, membro do comité científico das xornadas Mar por Medio, agradeceu á Academia Xacobea e á Xunta de Galicia que tivesen “a delicadeza de recuperar unhas xornadas que realmente formaban do buque insignia da programación cultural que tiña o concello daquela e que se deixou de organizar coa conseguinte perda para a programación cultural ribadense”. Calificou ademais de “excepcional” o programa confeccionado para a recuperación das xornadas que volven ao grande.
Desde o grupo municipal de Ribadeo faise unha valoración moi positiva da recuperación dunhas xornadas que formaban parte do buque insignia da programación cultural do concello. Os populares agradecen a Academia Xacobeo por liderar e recuperar estas xornadas cunha forte pegada en Ribadeo, e tamén a Universidade de Santiago de Compostela e ao rector por formar parte neste proxecto, pois fixeron posible que estas xornadas se volvesen virais.
O portavoz do grupo municipal, Dani Vega, agradece a Eduardo Gutiérrez, Carlos Rodríguez Andina, ex alcalde de la localidad, a Manolo Valín,membro do comité científico das xornadas do Mar por Medio e as demais agrupacións locais por seguir e darlle un valor engadido a estas xornadas.
Por último os populares quixeron agradecer a o director do Centro de Estudos Galegos na Universidade de Oxford, John Rutherford, pois fon que vinculou a xornada a este concello da mariña lucense aos máis altos especialistas na visión e estudo de moitas temáticas diferentes.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
