A Mariña, 10 de xuño, 2026. Adif adxudicou, por un importe de 3.432.895 euros, o contrato das obras de mellora da infraestrutura e reparación de desmontes entre os puntos quilométricos 19 e 40 do tramo Ferrol–Viveiro, na liña de ancho métrico 740 Ferrol–Pravia, na provincia da Coruña.
O contrato inclúe a reparación de nove trincheiras deste tramo, o que implica a retirada da malla existente, o desbroce e a tala de árbores, o saneamento dos taludes, así como tarefas de limpeza, protección e reposición de mallas e outros materiais de reforzo.
En liñas xerais, os traballos teñen como obxectivo reparar, estabilizar e dotar dunha protección permanente as zonas en talude situadas xunto á plataforma da vía, susceptibles de risco por choivas e outros factores climatolóxicos adversos. Esta actuación redundará na mellora da fiabilidade e da calidade das circulacións ferroviarias.
Mellora da fiabilidade da liña Ferrol–Pravia
As obras de reparación dos desmontes entre Ferrol e Viveiro súmanse a outros proxectos similares que Adif está a desenvolver na liña de ancho métrico Ferrol–Pravia co fin de mellorar a fiabilidade da infraestrutura.
Neste sentido, Adif investiu recentemente máis de 2 millóns de euros en obras de reforzo de taludes e trincheiras en varios tramos da liña ao seu paso pola provincia de Lugo, concretamente na zona da praia de Area Longa (Foz) e en diversos puntos do traxecto Viveiro–Xove.
Ademais, está en marcha outro contrato, por un importe de 3,4 millóns de euros, destinado a reforzar e consolidar varias trincheiras entre Ortigueira e Burela (55 km), entre as provincias da Coruña e Lugo.
Estas actuacións, enmarcadas no plan de renovación e mantemento da rede convencional, contribúen á consecución do Obxectivo de Desenvolvemento Sostible (ODS) 9, que promove infraestruturas fiables, sostibles e de calidade.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
