O programa Galicia Ilusiona achega o espectáculo do Mago Teto. Será na Praza dos Campos ás 21:00 horas.
- O Concello de Viveiro celebrou este xoves o Día da Policía Local
A alcaldesa, María Loureiro, asistiu a unha misa na igrexa de Santa María do Campo e mantivo un encontro distendido coa plantilla da Policía Local. “Un bo momento para destacar e poñer en valor o seu traballo diario, con numerosas funcións e labores para mellorar a seguridade y a vida diaria dos nosos veciños e veciñas”, asegurou a alcaldesa. - O Concello de Cervo apoia ao sector pesqueiro e rexeita o veto da Comisión Europea ao arrastre
A administración local súmase ao manifesto pola pesca, o marisqueo e a cadea mar-industria europeas, en contra de medidas como a prohibición de pesca de fondo en 87 áreas de augas comunitarias que entraría en vigor o 9 de outubro e que sería un auténtico lastre para o sector. A veciñanza pode sumarse ao manifesto que estará á súa disposición para asinar na Casa do Concello (en rexistro, en horario de 8:00 a 15:00 horas) e na Casa da Cultura (en horario de 9:00 a 14:30 horas) - A subdelegada do Goberno en Lugo, Isabel Rodríguez, participou este martes, no Salón de Actos do organismo provincial, na entrega de premios que organiza a Deputación para poñer en valor a gastronomía lucense
No acto, estivo acompañada polo presidente da Deputación, José Tomé, a Alcaldesa de Lugo, Lara Méndez, e outras autoridades. A subdelegada destacou a importancia deste sector na provincia, “cunha gastronomía única e excepcional á que hoxe recoñecemos polo seu traballo e dedicación”. Rodríguez foi a encargada de entregar o diploma acreditativo e unha figura de cerámica de Gundivós á alcaldesa de Viveiro, María Loureiro, pola Festa da Merluza de Celeiro. O resto de premiados foron a Ruta da Faba de Lourenzá, a Fundación Soto de Fión, a asociación de veciños de Vilachá de Salvadur, a Feira do Butelo da Fonsagrada, a CRDO San Simón da Costa e a Cabana das Chousas. - Chega unha nova edición da Festa do Ramo, no Alto do Cruceiro (Xuances)
Esta Festa está organizada pola Asociación Cultural e de Festexos "Alto do Cruceiro", terá lugar o sábado 1 e domingo 2 de outubro. O lugar de celebración será no campo da festa Onofre Louzao. Como aperitivo celebrarase o venres a Festa dos callos con racións a 6€ que inclúen pan e viño. Haberá carpa por se o tempo non acompaña. - A asociación Terra-Mar festexou o San Cibrao este luns
O xantar tivo lugar despois da misa cantada polo coro Terra-Mar, participou o rexedor, Alfonso Villares, e a edil de Servizos Sociais, Pilar Armada, ademais doutros membros do equipo de goberno. - Actuación do mago Teto en Xove
Foi este luns, 26 de setembro, na terceira e última actuación dentro do Programa Ler conta moito, programa patrocinado pola Consellería de Cultura e dirixido ás Bibliotecas Públicas co fin de promocionar a lectura e todo o relacionado co mundo das bibliotecas. Esta actuación destinouse aos 80 rapaces de 1º, 2º, 3º e 4º de ESO do IES Illa de Sarón. - O Concello de Viveiro felicita ao grupo de voces ‘Sons de Celeiro’, que esta fin de semana celebrou un acto para conmemorar os seus primeiros dez anos de traxectoria musical
“Un exemplo de formación, son a voz de moitas celebracións en Celeiro e representan a todo o pobo de Viveiro cando actúan noutros concellos”, afirma María Loureiro, alcaldesa de Viveiro. O repertorio de Sons de Celeiro supera a día de hoxe as 120 cancións e o grupo publicou xa dous discos: Cantares, no 2015, e Cantar ben ou non cantar, no 2018. Sons de Celeiro, que ten actualmente 14 integrantes, está preparando o seu terceiro disco.
2021 Crónica 3 A Mariña - Implementado por GaliciaDigital