Foz, 17 de agosto de 2022. Este martes comezou a XXI Semana do Teatro Afeccionado de Foz, que conta con catro das súas compañías amateur para as representacións na rúa.
A concelleira de Cultura, Inés López Couto, explica que “a primeira obra foi representada no colexio Nº1 polo grupo infantil da Adala coa obra Maruxa narradora de lendas. A continuación este venres a obra que se poñerá en escena será O Randiña, de Pico do Castro, no Campo da Cabana ás 21.00 horas. O sábado a Adala (adulto) representará Vivan os noivos na praia da Rapadoira ás 21.00 horas. E a esa mesma hora o domingo na Praza do Concello poderá gozarse do grupo Axóuxeres coa súa obra Cousas de mulleres”.
Inés López engade que “esta é a continuación do certame de teatro afeccionado que se realizou en Foz no mes de xuño e que tivo como gañadora a obra Vivan os noivos e como segunda mellor representación Cousas de mulleres. Así mesmo, o mellor guión foi para O Randiña e tamén mellor a posta en escena. A mellor dirección foi para Pepe Peinó, do grupo O Centiño, por A morte morrida. Nas categorías de mellor actor o galardoado foi Jesús Lorenzo López, por Crispín en A morte morrida; e na de mellor actriz, María Luisa Oroza, por Lisarda en Vivan os noivos”.
Dende a Delegación de Cultura animan “a que todo o mundo que queira gozar do teatro se achegue a ver as obras galardoadas e que desfrute do teatro en Foz”.
Finaliza Inés López dando “as grazas aos grupos de teatro por seguir traballando para levar a escena cultura todos os días.”
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
