Ribadeo, 31 de agosto de 2022. A alcaldesa en funcións, Mónica Freire, e os concelleiros de Turismo e Cultura, Pablo Vizoso e Pilar Otero, asistiron esta mañá á presentación do proxecto de recuperación do río Eo, que tivo lugar no observatorio de aves situado na N-642, por parte da Consellería de Medio Ambiente. A rexedora subliñou que esta actuación ven darlle continuidade á iniciada polo Concello de Ribadeo hai anos e pon en valor o traballo realizado nun ámbito competencial que lle corresponde á Xunta de Galicia. E agradeceu a elección de Ribadeo como exemplo para levar adiante este proxecto que se estende tamén polos Concellos de Trabada e da Pontenova.
A rexedora declarou: “dende o Concello de Ribadeo estamos moi agradecidos pola elección, por parte da Consellería do Medio Ambiente, do noso concello para presentar este proxecto, moi importante para nos, ao igual que para os Concellos de Trabada e de A Pontenova, que ao final veñen poñer en valor o traballo que o noso concello xa leva realizando durante moitos anos, de recuperación de hábitats, coa eliminación de especies alóctonas e invasoras, e a súa substitución por especies autóctonas. Queremos tamén trasladar o noso agradecemento ao Ministerio de Transición Ecolóxica pola súa implicación e compromiso para dedicar os fondos a este tan importante proxecto”.
Mónica Freire dixo que “este traballo que leva realizando durante todos estes anos o Concello de Ribadeo, que ademais o fixo nun ámbito competencial que non lle corresponde, xa que a competencia do medio natural é exclusiva da autonomía da Xunta de Galicia, e fixémolo con tódalas consecuencias para conseguir estes obxectivos de recuperación de hábitats”.
A alcaldesa ribadense contou que “aproveitamos esta visita para pedirlle á conselleira, agora que estamos ás portas dos fondos europeos, do Programa de Desenvolvemento Rural 21-27, para que a Xunta teña de verdade e en firme un compromiso e unha implicación co medio natural, coa súa competencia, e que asuma as súas responsabilidades e as súas inversións necesarias para conseguir estes obxectivos agro ambientais e climáticos”.
A comitiva que hoxe visitou Ribadeo percorreu un treito do paseo das Aceas: “dende o Concello alegrámonos de que veñan a visitar o traballo feito a través do Life Fluvial, no comezo das Aceas, xa que nos reafirma na posta en valor do noso traballo e en que lle dan continuidade”.
Sobre o escenario elixido para a presentación do proxecto de recuperación do río Eo, onde se mellorou a contorna e se instalou un miradoiro de aves, Mónica Freire, lembrou que “neste caso o Concello de Ribadeo solicitou unha axuda para a recuperación ambiental da CEC Río Eo e ZEPA Ribadeo en Reme, consistente na desmontaxe do monolito e observatorio e a instalación dun novo de madeira prefabricada que permitiría aos usuarios da zona a observación das especies de aves que se atoparan presentes na ría de Ribadeo. Solicitabamos tamén nese momento a eliminación manual dos pés de eucalipto que existían nesta zona e tamén a eliminación dos lixos e vertidos difusos que había no recinto. Ademais contemplábase a instalacións de elementos de control de acceso de vehículos e visitantes e a colocación dun panel informativo”.
E subliñou que “a inversión total destas actuacións foi de 24.200 euros, dos cales 15.000 proceden de fondos europeos Feader e o Concello achega 4.200 e a contía restante está financiada pola Xunta de Galicia e polo Ministerio de Agricultura”.
Mónica Freire insistiu en que “o Concello de Ribadeo leva xa moitos anos traballando para a recuperación e para o mantemento dos nosos hábitats e o lugar onde estamos hoxe, o entorno da ría de Ribadeo, é un exemplo de todo isto. A eliminación de especies alóctonas e invasoras e a súa substitución por outras autóctonas supuxeron un gran esforzo, pero grazas a el hoxe en día podemos disfrutar deste entorno privilexiado”.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
