Foz, 9 de agosto de 2022. A Delegación de Muller e Igualdade do Concello de Foz instala un punto violeta de información, sensibilización e visibilización nestas festas de San Lourenzo hoxe, martes, e mañá, mércores.
A concelleira de Muller e Igualdade, Ana Rojo, explica que é “un espazo morado de atención, libre de violencia machista; un lugar seguro para a muller nestas festas de San Lourenzo. Estará atendido por Mulleres en Igualdade (Bumei) e situado na Avenida da Ribeira os días 9 e 10, en horario de 22 a 1 da madrugada. A finalidade é a de informar e asesorar á muller e a persoas con diversidades ou orientacións sexuais que así o precisen, ademais de rexeitar e previr calquera tipo de violencia machista que se puidera dar neste tipo de eventos, prestando todo tipo de axuda e apoio a posibles vítimas de agresións sexistas, de abuso, acoso, ou discriminación por violencia física, psicolóxica e sexual; concienciar e acompañar á posible vítima, intervir, dar axuda e cobertura na loita contra calquera vulneración dos dereitos da muller”.
Ana Rojo engade que “con esta mesa informativa ou punto morado preténdese implicar ao conxunto da veciñanza contra violencia machista, un problema que nos incumbe e responsabiliza a todas e todos. Danse a coñecer os protocolos de actuación existentes en cada caso de acoso, agresión sexual, submisión química, etcétera. Facilítanse guías e dípticos cos teléfonos da rede de Centros da Muller ademais de recomendar e dirixir á persoa a determinados servizos especializados, con diferentes recursos gratuítos dispoñibles para as vítimas, tanto no noso Concello como noutras administracións ou institucións habilitadas para esta problemática. Para poder disfrutar dunhas festas con diversión, con alegría e respecto mutuo, onde as mulleres se sintan seguras, poidan ir polas rúas libres, seguras e sen medos a ser violentadas. Que saiban que non están soas, que as apoia un pobo cada vez máis concienciado e igualitario. Boas festas de San Lourenzo!”.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
