Ribadeo, 26 de agosto de 2022. O presidente de Apaga, Álvaro Doural, fai un balance moi positivo do XI Fórum de Innovación e Formación sobre Vehículos que se celebrou nas súas instalacións desde o pasado martes ata hoxe, venres. 40 persoas chegadas das 4 provincias galegas e de cidades como Madrid, Murcia ou Zamora asistiron a esta cita.
Doural indicou que “o balance é moi positivo de todas actividades realizadas, tanto os obradoiros como as distintas ponencias. Creo que se cumpriron os obxectivos previstos, como o nivel de participación, que foi similar ao doutros anos e hai que ter en conta sempre o espazo que temos e outros condicionantes que hai neste momento que fan que non haxa unha cantidade moi elevada de xente porque desprazarse supón un custe engadido”.
O presidente de Apaga tivo palabras de agradecemento para as empresas e as institucións que apoiaron a celebración deste undécimo Fórum: “resaltar a liña de colaboración que se sigue mantendo coas entidades tanto privadas como publicas. Creo que iso é moito de agradecer porque un ano máis podemos contar con todas estas empresas e entidades, tamén para outras iniciativas que se poidan poñer en marcha. Neste momento estamos preparando unha reunión internacional para outubro ou novembro con técnicos de empresas doutros países da Unión Europea”.
Doural engadiu que “neste Fórum fixemos por primeira vez conexións en directo a través da canle de youtube. Houbo algunhas ponencias que se transmitiron en directo e a idea é que o próximo ano se poida facer isto con todas as actividades, sempre que as empresas que veñan o permitan”.
Proxecto Erasmus +
A Asociación de Profesores de Automoción de Galicia (APAGA) presentou os resultados do proxecto Erasmus+ “Inclusión e empregabilidade a través da tecnoloxía do vehículo eléctrico” no transcurso do XI Fórum de Innovación e Formación sobre Vehículos.
Neste proxecto traballaron equipos de docentes de sete países: Italia, Lituania, Croacia, Romanía, Portugal, Turquía e España. Elaboraron recursos didácticos dixitais sobre 14 temas relacionados cos vehículos eléctricos e híbridos. Cada país elaborou dous libros electrónicos, cada un dos cales contén á súa vez dous libros internos, un dedicado ao profesorado no que se lles facilitan guías didácticas para abordar a materia nas súas clases, así como diversas actividades e prácticas propostas e todas as recursos necesarios para levalos a cabo. Dúas das actividades propostas inclúen tarefas a realizar mediante a impresión en 3D de determinados elementos. Entre os recursos dos que dispón o profesor tamén se incluíron os programas necesarios para a impresora 3D. O libro do alumno inclúe textos, imaxes de gran calidade, vídeos, ligazóns a páxinas ou vídeos relacionados, actividades interactivas, etc. Ademais, todos os textos contan cun botón que activa un lector para facilitar o acceso ao contido escrito a aqueles alumnos ou profesores con algún tipo de dificultade visual. Por último, o libro do alumno inclúe unha autoavaliación final, un exame que se autocorrixe e achega unha nota que indica o nivel de coñecementos adquiridos tras o traballo realizado co libro.
Cada un dos 14 libros electrónicos foi traducido a cada un dos idiomas dos países participantes, ademais de á lingua inglesa. É dicir, oito idiomas, polo que o traballo final resultante son 112 libros electrónicos. Todos eles sobre vehículos eléctricos e híbridos en formato online están a disposición de calquera alumno ou profesor de Europa a través da páxina web da APAGA (www.apaga.es) na sección ERASMUS+.
O profesorado asistente á presentación do proxecto valorou todos estes libros como interesantes e útiles e amosou a súa disposición a levar ás súas aulas as unidades didácticas traballadas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
