Ribadeo, 2 de agosto de 2022. O concelleiro de Turismo, Pablo Vizoso, subliñou esta mañá que Ribadeo amosou o seu tirón en xullo cunha ocupación hostaleira que se achegou ao 85%. Importante é o aumento dos visitantes internacionais, procedentes de 35 países, entre os que destacan Francia, Italia, Alemaña e Portugal. O turismo estranxeiro supón o 16,14% do total das visitas realizadas a Ribadeo.
O edil ribadense dixo que “Ribadeo amosou este mes novamente o seu su tirón turístico cunha taxa de ocupación de entorno ao 85%. A fortaleza do destino resistiu o envite destes complexos últimos anos e logrou manter as súas cifras de visitantes e as súas taxas de ocupación hostaleira polo que debemos de facer un balance do mes de xullo moi positivo. E a previsión que se manexa para agosto tamén é moi favorable”.
Pablo Vizoso contou que “a Ribadeo, veñen visitantes de todo o estado, sendo os madrileños, casteláns, andaluces e vascos os que encabezan os primeiros postos”.
O concelleiro de Turismo subliñou que “un dato importantísimo é o aumento dos visitantes internacionais alcanzando un 16,14% do total das visitas, superando incluso as porcentaxes dos anos anteriores á pandemia. Procedentes estes de máis de 35 países diferentes, que encabezan Francia, Italia, Alemaña e Portugal”.
Vizoso Galdo manifestou que “un ano máis, Ribadeo fai unha fortísima aposta polo turismo de calidade organizando 11 percorridos guiados a través dos que se pode descubrir o seu importante patrimonio natural e cultural, 3 vistas teatralizadas, 4 roteiros guiados e interpretados para gozar do fascinante patrimonio cultural e etnográfico presente en cada recuncho da vila e tamén do interior do Concello, 4 XeoRutas para ter unha ampla visión do importante patrimonio xeolóxico do noso litoral, que vai dende o conxunto de arcos rochosos máis importantes da península ata a maior estrutura xeolóxica da mariña lucense”.
O edil indicou que “esta oferta turística e cultural súmase a unha serie de proxectos e eventos que o Concello vén desenvolvendo nos últimos meses como o Renacer do Cantil, o Ribadeo Ilustrado, o Ribadeo Indiano, a Festa Gastronómica do Percebe e moitos outros que perseguen consolidar as marcas Turismo Ribadeo e RibadeoXQSI, e dotalas dun contido propio, diferenciado e coherente cos obxectivos de calidade turística que se veñen perseguindo nestes últimos anos”.
E engadiu que “a este interese polo cultural súmase a cada vez máis forte presenza de espazos naturais e rutas de sendeirismo, destacando especialmente o Camiño de Santiago e o Camiño Natural Ruta do Cantábrico, dos que Ribadeo é en ambos casos, inicio de camiño en Galicia. Lembramos que hai uns meses, nesta Semana Santa, para reforzar a información audiovisual e textual sobre estes recursos naturais publicábase unha app de sendeirismo, xeoturismo e cicloturismo. Igualmente que hai unhas semanas se presentaba a app xenérica de Ribadeo como destino”.
O concelleiro de Turismo tivo palabras de agradecemento para as traballadoras e traballadores do Concello: “dende a Área de Turismo queremos agradecer a implicación e a colaboración de todos os traballadores e traballadoras do Concello, particularmente das Áreas de Medio Ambiente e de Obras, e moitas persoas voluntarias que fixeron posible que os eventos celebrados no mes de xullo como o Ribadeo Indiano ou a festa do Percebe de Rinlo fosen un éxito e que, coma no caso de Rinlo, tan só un día despois o pobo seguise lucindo unha moi boa imaxe”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
