A voceira socialista do Goberno destacou “o elevado ritmo de traballo e de xestión que estamos mantendo neste mandato”, como demostra que, só neste verán, “fomos capaces de sacar adiante nas Xuntas de Goberno un volume de investimentos de 3,5M€ para a mellora de 23 estradas”
Lugo, 9 de setembro de 2022. A Xunta de Goberno da Deputación de Lugo acordou este venres a adxudicación de diferentes actuacións de mellora en 10 estradas provinciais por un importe de 1,2M€. Así o explicou a voceira socialista do Goberno, Pilar García Porto, quen concretou que con estes proxectos a institución acondicionará vías ao seu paso polos concellos de Portomarín, Negueira de Muñiz, Vilalba, Guitiriz, Trabada, O Saviñao, Lugo e Guntín.
Así mesmo, a Xunta de Goberno aprobou adxudicar un contrato para o subministro de emulsión asfáltica para os servizos que presta o Parque Móbil da Deputación por un importe de 680.625€, 467€ por tonelada, polo tanto, unhas 1.500 toneladas. A adxudicataria é a empresa Probisa Productos Bituminosos SLU, e o contrato ten unha duración de 6 meses, prorrogables por outros 6.
Na rolda de prensa na que a voceira socialista informou dos asuntos tratados na Xunta de Goberno deste venres destacou “o elevado ritmo de traballo e de xestión que estamos mantendo dende o Goberno e o conxunto da institución provincial durante este mandato”, como demostra, explicou García Porto, que “só neste verán, e sendo verán, co que iso implica en canto ás vacacións do persoal, fomos capaces de sacar adiante nas Xuntas de Goberno un volume de investimentos de 3,5M€ para a mellora de 23 estradas da Deputación por toda a provincia”.
A Deputada apuntou tamén que “a gran maioría das obras licitadas para estradas no mes de xullo xa quedaron hoxe adxudicadas, e ademais, “reducimos considerablemente os prazos de execución, en moitos casos, pasando de 9 a dous ou tres meses, co que iso beneficia á veciñanza”. “Son só exemplos desa capacidade de traballo que creo que estamos demostrando, e nese empeño de servir o mellor posible ós concellos e ós veciños e veciñas da provincia de Lugo seguiremos”, recalcou a voceira socialista.
Obras adxudicadas
No caso de Portomarín, adxudicouse á empresa Ovisa Pavimentos e Obras SLU as obras de mellora do firme de dúas estradas provinciais: a LU-P-4902 e a LU-P-4909. A primeira une o Alto do Valiño con Valdeporras por Vilaxuste e as actuacións terán lugar entre o quilómetro 1 e o 4; no caso da segunda, que conecta Toxibo coas Neves, traballarase entre o punto quilométrico 2 e o 3,235. O investimento ascende a preto de 258.000€ e o prazo de execución será de tres meses.
En Negueira de Muñiz, a Deputación acometerá obras de mellora do firme da LU-P-3601, a estrada que une A Fonsagrada e Negueira polo Acebo, entre os puntos quilométricos 1,800 e 3,100. A empresa adxudicataria é Ovisa Pavimentos e Obras SLU. O orzamento é de 95.000€ e o prazo de execución é de tres meses.
A Deputación adxudicou tamén en Vilalba traballos de mellora na LU-P-6501, a estrada que une o concello vilalbés con Feira do Monte, onde acondicionará cerca de 4 quilómetros, dende o inicio da vía ata o punto quilométrico 3,835, por un importe de 241.000€; e na LU-P-6502, de Vilalba a Chavín pola Balsa, onde a Deputación destinará 191.000€ para traballos entre o quilómetro 2,1 e o 4,6. A empresa adxudicataria de ambas actuacións é Francisco Gómez y Cía SL, que terá un mes e medio de prazo de execución.
A Xunta de Goberno acordou adxudicar os traballos de rehabilitación do firme e da senda peonil da LU-P-2304, que une Guitiriz con Sete Muíños, por 110.231€ a Ovisa Pavimentos y Obras SLU. O proxecto inclúe actuacións nos primeiros 870 metros de vía, e o prazo de execución é de dous meses.
En Trabada, aprobou adxudicar á empresa Francisco Gómez y Cía SL a rehabilitación do firme da LU-P-6101, que conecta o municipio coa Ría por Sante, nun treito de catro quilómetros entre os puntos quilométricos 3,554 e 7,556. O investimento é de case 176.000€ e o prazo de execución, de dous meses.
No Saviñao, quedou adxudicada a rehabilitación dun tramo de preto de 5 quilómetros da LU-P-4202, que comunica Pacios con Currelos por Aldosende. Fevisa Vías y Obras SL fará as melloras, que afectarán ao treito entre o punto quilométrico 17,2 e o 21,9, por un importe de 97.000€ e dous meses de prazo de execución.
Finalmente, saíu adiante a adxudicación das obras para melloras en dúas estradas que unen os concellos de Lugo e Guntín á empresa Construcciones Carballeira SL por un importe de practicamente 90.000€. O proxecto, cun prazo de execución de dous meses, inclúe a rehabilitación do firme da estrada LU-P-2406, de Lousada a Longalai por A Mota, nun tramo de 5 quilómetros, entre os puntos quilométricos 1,35 e 5,8; e da estrada LU-P-2402, de Lousada a Tendín, nos primeiros 300 metros de estrada.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
