Maite Ferreiro explicou que a iniciativa pretende “divulgar os nosos símbolos, como expresión da nosa identidade e parte do noso patrimonio cultural”
Lugo, 16 de setembro de 2022. A Vicepresidencia da Deputación de Lugo distribuirá entre asociacións culturais, centros educativos, bibliotecas e outros espazos públicos de lectura exemplares dun caderno divulgativo sobre o himno e a bandeira de Galiza e unha interpretación do himno na súa versión orixinal.
A publicación inclúe artigos dos profesores e investigadores Manuel Ferreiro e Xoan Costa, que se achegan a estas creacións desde unha perspectiva histórica. No seu traballo, Manuel Ferreiro, catedrático da Universidade da Coruña e máximo especialista e investigador da obra de Eduardo Pondal, dá conta da orixe, historia e creación do himno, e avalia a calidade literaria do poema “Os Pinos”. Tamén documenta as alteracións e erros que se foron transmitindo e argumenta a necesidade de recuperar a letra orixinal. Xoan Costa, pola súa banda, fai un recorrido histórico sobre a conformación da bandeira galega, desde as súas orixes, no século XIX, a partir da bandeira que identificara os integrantes do Batallón Literario de Santiago, até a súa forma oficial actual.
O caderno, coordinada por Vía Galega, está ilustrada con reproducións dos murais de Eduardo Pondal e Pascual Veiga -autor da música do himno- deseñados por Concepto Circo para a escalinata da Ronda das Fontiñas, en Lugo.
Ademais de colaborar na edición e distribución do caderno, a Vicepresidencia da Deputación de Lugo impulsou a gravación dunha interpretación do himno na súa versión orixinal, tal como se publicou en 1890. Compoñentes do grupo vocal Sólo Voces e do grupo instrumental Lucus Ensemble interpretaron a partitura nunha sesión dirixida por Fernando Gómez Jácome e rexistrada por Arturo Vaquero.
110 anos da primeira interpretación do himno en Galiza
O himno galego nace a partir dun certame convocado para ese fin polo Orfeón Coruñés en 1890, dirixido polo músico mindoniense Pascual Veiga. A convocatoria incluía unha sección dedicada á composición, cun premio á mellor “marcha galega” escrita para orfeón sobre o texto do poema “Os Pinos” de Eduardo Pondal. Os versos do vate, coas indicacións rítmico-musicais de Pascual Veiga, deron orixe á peza, recollida na súa versión orixinal no folleto do certame.
O primeiro valedor da composición foi Xosé Fontenla Leal, quen suxeriu o seu uso como himno oficial nos actos do Centro Galego da Habana. A primeira interpretación solemne realizouse o 20 de decembro de 1907 en Cuba, no Gran Teatro da Habana, para honrar a memoria de Pascual Veiga finado en 1906 en Madrid. Segundo se recolle no artigo de Manuel Ferreiro, a primeira interpretación pública e solemne en territorio galego fíxose en Mondoñedo o 17 de setembro de 1912, coincidindo coa traslación dos restos mortais do músico á súa cidade natal.
A vicepresidenta da Deputación de Lugo Maite Ferreiro lembrou que “ademais de celebrar esta efeméride, coa distribución deste caderno e da interpretación do himno contribuímos a popularizar e divulgar os nosos símbolos, como expresión da nosa identidade e parte do noso patrimonio cultural, e propiciamos tamén o coñecemento dos feitos históricos e do contexto en que se foron configurando”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
