A presentación terá lugar o sábado 17 nos Colexios Vellos de San Miguel de Reinante
Barreiros, 11 de setembro, 2022. Esta actividade que se ven realizando de xeito continuado desde o ano 2013, consiste basicamente na realización dun obradoiro teatral baseado nas técnicas da interpretación, o clown, a coreografía e o teatro físico, partindo sempre da consideración que o teatro é un xogo e que é a partir do xogo como se pode chegar a entender e desfrutar. Enfocamos sempre a actividade desde o punto de vista da formación máis que na de buscar un produto final. Consideramos que o importante é o proceso en si, non a consecución dunha montaxe que, en todo caso sería o resultado final dese proceso pero non o obxectivo en si mesma.
Para Ollomao é fundamental crear alternativas de ocio e esparcemento para as crianzas ao mesmo tempo que se fomentan as relacións interpersoais e se busca introducir na cultura e a creación artística aos cativos-as dende idades temperás.
Centramos esta actividade nun obxectivo básico: aprender e divertirse, pero a partir deste eixe central buscamos conseguir outros obxectivos non menos importantes: Traballar os sentidos a imaxinación e a creatividade. Potenciar o pensamento crítico e a reflexión. Axudar na socialización dos nenos e nenas. Traballar a concentración e a atención. Transmitir a importancia da colaboración, do traballo en equipo, da axuda mutua. Reforzar as actitudes de axuda dos maiores cara aos pequenos, e por suposto, rachar de raíz con calquera mínimo indicio de desigualdade de xénero, tentando de facer mesmo discriminación positiva para que as nenas asuman roles dominantes que potencien o seu empoderamento.
Esta actividade está dirixida a nenas e nenos de entre 6 e 16 anos, preferentemente do Concello de Barreiros pero sen excluír aos de outros concellos. A nosa idea inicial é facer dous grupos en función da diferenza de idades existente: un grupo formado por nenas-os de entre 6 e 10 anos e outro con nenas-os de 11 a 16 anos. En función do número de matriculados veremos a posibilidade de facelo ou de que só haxa un grupo.
O obradoiro desenvolverase en sesións de 3 horas en sábados alternos, é dicir, dous sábados ao mes, en horarios de mañá ou tarde, entre os meses de setembro de 2022 e xuño de 2023, e terá un custe de entre 10 e 15 € ao mes para cada alumno-a segundo o número de matriculados.
A todos-as aqueles que pensen que esta actividade lles pode interesar, convidámolos a asistir o vindeiro sábado, 17 de setembro ás 16:00 h. acompañada/o de seus pais-nais ou titor/a legal aos Colexios Vellos de San Miguel onde haberá unha presentación do Obradoiro. A continuación poderán quedar na primeira sesión para ver se lles gusta. A asistencia a esta primeira sesión non suporá ningún custo para os participantes. Non é preciso anotarse por adiantado, simplemente acudir aos Colexios Vellos no horario indicado
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
