A Deputación de Lugo impulsa este programa de rutas gratuítas, no que dende hoxe e ata venres participarán veciños e veciñas de Ourol, O Saviñao, Antas de Ulla, Cospeito, Castro de Rei e Ribadeo
Lugo, 4 de outubro de 2022. A veciñanza de seis concellos da provincia participará esta semana no programa Coñece a túa provincia da Deputación de Lugo. Son en total unhas 140 persoas dos municipios de Ourol, O Saviñao, Antas de Ulla, Cospeito, Castro de Rei e Ribadeo as que, dende este martes e ata o venres, percorrerán o territorio lucense grazas ás viaxes gratuítas que impulsa a institución provincial para colectivos sen ánimo de lucro.
Este martes, a Asociación Cultural, Recreativa e Deportiva Aturuxeiros de Bravos, de Ourol, e a Asociación de Veciños do Saviñao viaxaron a Cervantes e Navia de Suarna e á Terra Chá, respectivamente. Os mariñaos coñeceron o Pazo de San Marcos antes de facer un percorrido pola aldea do Piornedo e a localidade de Navia de Suarna, onde tamén se achegaron a unha fábrica de embutidos. Os do Saviñao fixeron unha parada no Mazo de Santa Comba e continuaron a viaxe cara o castro de Viladonga, en Castro de Rei; o Pedregal de Irimia, a Igrexa de Santa María de Meira e a lagoa de Fonmiñá, na Pastoriza.
O xoves, a Asociación de Pais de Alumnos do Colexio Público de Antas de Ulla coñecerá a produtora de audiovisuais para despois poñer rumbo aos concellos de Xove e Viveiro, onde visitarán o faro de Punta Roncadoira, o Souto da Retorta ou o centro histórico viveirense. Tamén nesta xornada, a Asociación de Xogos Tradicionais de Muimenta (Xotramu), de Cospeito, visitou o Pazo de San Marcos para despois poñer rumbo a Navia de Suarna e Cervantes.
Xa o venres viaxará a Asociación Cultural Ignacio Rey Stolle, de Castro de Rei, e a Asociación Cultural a Tribo da Travesía, de Ribadeo. Os chairegos coñecerán a Granxa Gayoso e posteriormente achegaranse á Costa, onde visitarán o paseo marítimo de Barreiros, a praia das Catedrais, Rinlo e o centro histórico de Ribadeo. Os ribadenses porán rumbo ao Courel tras visitar o Centro de Interpretación Terras do Miño cunha visita á aula da Natureza de Moreda, na Devesa da Rogueira, ou á Fundación Uxío Novoneyra.
Na segunda edición deste programa de viaxes da institución provincial, que comezou na primavera, xa se beneficiaron máis de 1.800 persoas. Este outono son 55 as asociacións e colectivos lucenses os que contan coas súas reservas para viaxar pola provincia ata o mes de novembro.
O programa Coñece a túa Provincia inclúe, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas realízanas profesionais que contan coa habilitación de guía oficial de turismo de Galicia e persoal de atención ao público nos diferentes museos, empresas ou obradoiros sinalados nos itinerarios do programa.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
