Ribadeo, 14 de outubro de 2022. Apaga retoma as mobilidades europeas de alumnado e profesorado desde agora e ata finais de ano, segundo da a coñecer o presidente da asociación, Álvaro Doural. Dous alumnos realizan prácticas en Portugal e un en Croacia. Ademais a vindeira semana chegarán á Mariña dous docentes turcos que visitarán empresas e centros de ensino tanto en Galicia como en Asturias.
Doural conta que “os dous profesores turcos van estar aquí dez días con nós. Chegarán o 18 e a actividade está centrada na visita a centros educativos e a empresas do sector. Van estar en Otelec, que se dedica á electricidade e está no polígono industrial de San Cosme de Barreiros; van ir ao IES As Mariñas, de Betanzos, onde tamén verán empresas do sector eléctrico e electrónico, que é da especialidade da que son estes dous profesores; e tamén van facer unha visita ao Centro Integrado de Formación Profesional de Avilés, onde van estar toda a xornada e aproveitarán para ver empresas. Estamos a contactar tamén para intentar que vaian a Astilleros Gondán e a Hermanos Rega, onde se aproveitaría para que vexan tamén o serradoiro de Rubal e Finca Galea”.
O presidente de Apaga subliña que “o centro do que veñen estes profesores é socio noso desde hai moitos anos e entón imos intentar volcarnos todo o posible. Levan colaborado con nosoutros desde hai anos e precisamente vamos iniciar con eles un proxecto novo, de innovación, no 2023”.
A actividade de Apaga non para: “ata finais deste ano isto vai ser actividade continua de mobilidade con varias saídas: a Turquía, a Italia, a Croacia, a Suecia, a Portugal,… Aproximadamente 40 profesores van realizar mobilidades noutros países da Unión Europea. Neste momento temos tamén a dous alumnos en Portugal, nunha empresa, e outro en Croacia. E ademais van saír outros a Portugal nos mes que vén”.
E engade que “polo tanto neste momento estamos cunha intensidade de traballo tremenda porque tíñamos moitas cousas acumuladas pola pandemia e entón a ver se de aquí a finais de decembro lle damos saída a todo isto”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
