Arias Fouz lembra que o Goberno Galego destina 1.712 M€ a Lugo, a provincia con maior contía por habitante, e destaca os 174M€ de gastos en políticas sociais
Lugo, 25 de outubro de 2022. O delegado territorial da Xunta en Lugo, Javier Arias, cre que as críticas do presidente da Deputación de Lugo aos orzamentos da Xunta para a provincia de Lugo non teñen sentido, cando o borrador dos orzamentos é o máis elevado para a provincia de Lugo, -1.712 millóns de euros-, que volve a ser a de maior contía por habitante -incrementada nun 7,3% con respecto ao pasado ano ata quedar nos 5.288 euros. Arias Fouz considera que fronte a esta aposta decidida do Goberno galego por Lugo, nas contas estatais hai un claro estancamento.
Segundo o delegado territorial da Xunta en Lugo, roza a desvergonza criticar os prazos e as cantidades asignadas a obras como a Ronda Este, o novo acceso na LU-651 a Folgoso do Courel, ou a autovía Nadela-Sarria, cando nos orzamentos do Estado dedícanse cero euros á Autovía da Mariña, á de Lugo Ourense ou ás variantes da conexión ao tren de alta velocidade de Lugo-Ourense. Fronte a este baleiro, a Xunta investirá 100M€ no capítulo de Infraestruturas.
Javier Arias móstrase en desacordo tamén coas críticas de Tomé ao gasto social, cando na provincia ascenderá a preto de 174 millóns de euros. Esta inversión servirá para o funcionamento dos centros propios, o financiamento de prazas asistenciais ou do Servizo de Axuda no Fogar para persoas en situación de dependencia, a Risga e outras axudas sociais. Tamén se contemplan partidas para construír unha nova residencia en Antas de Ulla (case 1,6 millóns) ou para reformar as residencias das Gándaras e da residencia da Milagrosa, en Lugo (3,7 millóns e 800.000 euros respectivamente).
Tampouco comparte as críticas á falta de inversións e actuacións no rural en materia educativa, cando hai decenas de actuacións en marcha, algunhas rematadas e outras en execución, con 31 grandes obras, das que 23 son en centros de municipios rurais, cun investimento de case 17M€. Para o delegado territorial “Tomé ou non coñece ou non se interesou polas máis de 80 actuacións en centros educativos da provincia, entre eles a rehabilitación integral do IES Daviña Rey, en Monforte de Lemos”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
