Viveiro, 3 de outubro, 2022. O abastecemento e saneamento de Viveiro é un servizo fundamental que o Concello de Viveiro debe xestionar e manter en óptimas condicións. Nos últimos anos, o BNG denunciou a continua suba das taxas, o deterioro paulatino da rede de abastecemento e a moi deficiente depuración de augas residuais. Isto vén provocando cortes no servizo practicamente semanais, perdas económicas, o malgasto dun ben fundamental e escaso como a auga e anos de vertidos na ría. Por este motivo, o BNG solicitou documentación ao respecto deste servizo o 28 de xuño de 2021 e reiterou o requirimento o 27 de marzo de 2022, sen obter resposta. Este oscurantismo do Goberno Municipal impide o acceso á información que afecta a toda a veciñanza e resulta precisa para o traballo deste grupo municipal.
Polo exposto, solicitaremos no vindeiro pleno:
. Que o Goberno de María Loureiro dea explicacións das continuas roturas da rede principal de abastecemento que se están a producir na zona de Landrove e Magazos, o custe económico que supón e por quen é sufragado, así como o establecemento de medidas correctoras urxentes e definitivas.
. Que dea cumprimento ao establecido no ROM para o acceso á información (Art. 62) e facilite o acceso á documentación:
-Calquera informe dos servizos técnicos municipais que supervise, rexistre e controle as incidencias do servizo de saneamento e abastecemento e propostas de medidas correctoras.
-Acceso aos expedientes das obras executadas a costa da concesionaria do servizo de augas acordado na addenda de abril de 2008 e vixente ata 2033.
-Informe económico solicitado o 24/01/2020 ao Servizo de Cooperación cos Concellos da Deputación de Lugo que avalíe o equilibrio actual económico-financieiro da concesión.
-Importe ingresado pola concesionaria (mediante taxas ou subvencións) e custes de explotación do servizo na última anualidade.
-Proxecto de explotación da nova EDAR de Celeiro, para poñela en funcionamento en canto sexa recepcionada.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
