A frente nacionalista reclama a elaboración dun estudo para avaliar a perigosidade e redactar un proxecto de mellora
Madrid, 14 de outubro de 2022. O Bloque Nacionalista Galego denuncia a pasividade do Goberno do Estado ante a perigosidade nos accesos da N-640 desde a LU-P-5503 e a LU-P-550 após recoñecer, nunha resposta por escrito a preguntas realizadas pola frente nacionalista, que o Ministerio de Transportes, Mobilidade e Axenda Urbana non se encargará das obras. O deputado nacionalista, Néstor Rego, sinala que o Goberno do Estado está eludindo as súas responsabilidades ante as queixas e denuncias reiteradas por parte da veciñanza e reclama ao Goberno iniciar as actuacións necesarias para garantir o tránsito seguro das persoas nestes accesos.
O deputado do BNG rexistrou preguntas no Congreso para que o Goberno do Estado explicara as actuacións previstas para mellorar a seguranza nos accesos á nacional. A iniciativa nace despois de que, no 2013, a veciñanza de Santa Comba de Órrea, no Concello de Riotorto, comezara a pór en coñecemento da Xefatura da Unidade de Estradas do Estado en Lugo o mal estado dos accesos da N-640 desde a LU-P-5503 e a LU-P-550.
“A asociación de veciños e veciñas trasladaba a preocupación xeral polo perigo na entrada e saída destas dúas vías á N-640, titularidade da Administración Xeral do Estado. Reclamábase que se iniciasen as xestións necesarias para que o citado acceso fose reformado de forma que se puidese facer un uso seguro do mesmo nos dous sentidos da marcha” explica o deputado nacionalista. Con todo, a asociación non recibiu resposta a ningún das súas comunicacións e peticións.
O BNG, ante a falta de información e a opacidade do executivo, recolleu esta demanda veciñal e trasladouna ao Ministerio para coñecer as previsións de actuación neste acceso e reclamar a súa mellora para garantir o tránsito seguro das persoas que circulan por este tramo. “A nosa sorpresa é que o Ministerio de Transportes, Mobilidade e Axenda Urbana responde abertamente afirmando que non se encargará das obras para mellorar os accesos. Isto constitúe unha clara elusión das súas responsabilidades” denuncia Rego.
“O Goberno do Estado debe levar a cabo un estudo para coñecer as malas condicións dos accesos e redactar un proxecto para a adecuación e mellora da seguranza nos mesmos” demanda o deputado do BNG.
De facto, circulando en sentido A Pontenova, a saída da N-640 cara ás vías antes referidas, titularidade da Deputación, é sumamente perigosa, dado que o ángulo pechado que debe tomarse obriga a parar o vehículo por completo, o que incrementa o risco de colisións ou alcances traseiros. Pola súa banda, tamén se informaba de que no caso da circulación en sentido Meira, “a sinalización non permite a saída da N-640, para tomar o acceso a esas dúas estradas provinciais, o que obriga a continuar a viaxe até atopar un lugar onde poder cambiar o sentido da marcha”.
Ademais, no caso da incorporación á N-640 desde o punto en que se unen ambas as estradas, obrígase á realización de manobras igualmente perigosas, pois non existe ningún carril de incorporación ou illa que facilite o acceso. “O proxecto debe incluír o pintado dunha illa cos correspondentes desvíos, como xa se previu noutros desvíos en nesta mesma vía, así como a inutilización en parte do carril de adiantamento de subida para facer posíbel a saída cando se circula en sentido A Pontenova – A Órrea” finda.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
