Ribadeo, 21 de outubro, 2022. Despois de termos lido as declaracións da nova xerente do Sergas, Estrella López-Pardo, afirmando que non todos os centros de saúde van poder dispoñer dun pediatra, e vistas as carencias de persoal que padecemos no noso centro de saúde, tamén no servizo de pediatría, o BNG de Ribadeo esixe da Xunta o firme compromiso do mantemento e potenciación do servizo de pediatría en Ribadeo.
No centro de saúde de Ribadeo xa temos pasado por situacións moi delicadas no que ao servizo de pediatría se refire. Desde dispoñermos de pediatra tan só un día á semana, a ter que agardar por cita coa pediatra até dous meses. Despois de termos reclamado en múltiples ocasións que se potenciase dito servizo fomos logrando que se cubrise cun mínimo de garantías (aínda que sempre baixo a ameaza de máis recortes). Pero as declaracións de Estrella López-Pardo, a xerente do Sergas, non tranquilizan ninguén, senón todo o contrario.
Ben fomos vendo ao longo deste último ano como quedaban prazas sen repoñer no noso centro de saúde (ben por baixas ou por xubilacións). Pouco importa que no verán se chegue case a triplicar a poboación; os servizos non aumentan. E agora xa comezan a nos avisar de que nos temos que ir concienciando de que debemos “entender que seguramente non poderá haber un pediatra en cada centro de saúde”. O seu descaro no seu afán privatizador é inmenso. E a complicidade dos deputados e deputadas do PP (tamén os da Mariña) é absoluta.
É ben sabido por todos e todas que no Hospital Comarcal de Burela dispoñemos de tan só unha pediatra para atender toda a área sanitaria cun total de aproximadamente 1500 crianzas. Tamén sabemos que en Barreiros, Lourenzá e Mondoñedo seguen sen pediatra. E outros servizos sanitarios tamén están a padecer serios recortes. Pero iso, á xerente do Sergas, Estrella López-Pardo pouco lle preocupa. Mais ben quítalle o sono que aspiremos a uns servizos sanitarios públicos e de calidade. Por iso nos quere lembrar que temos que entender que “seguramente non poderá haber un pediatra en cada centro de saúde”. Opinan o mesmo a señora Elena Candia López e os señores Manuel Balseiro Orol e Daniel Vega Pérez? Vainos garantir o noso veciño Daniel Vega Pérez que en Ribadeo poderá haber pediatra como tamén dicía que a Xunta apoiaría a construción da Residencia de Maiores? Ou inversións por todos coñecidas nas que o goberno da Xunta non achegou nin un patacón? Ou xa sen reparo ningún vainos dicir, como naquel famoso debate na campaña das anteriores eleccións municipais, que Ribadeo poderá contar con pediatra se o votamos a el?.
Levamos tempo defendendo a sanidade pública. Non imos tolerar que se sigan a facer recortes na mesma sen mostrar o noso claro rexeitamento a esas políticas de austeridade. Pero moito menos imos quedar calados e caladas ante tanto cinismo como o amosado pola señora Estrella López-Pardo. O silencio cómplice queda para outros representantes públicos que só miran polo seu asento e esquecen á súa veciñanza.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
