Realizaranse cursos de esforzo de integración, preparatorios da proba de coñecementos para a adquisición da nacionalidade española e de habilidades dixitais
Burela, 6 de outubro de 2022. O programa de atención a inmigrantes da Concellería de Inmigración, Cooperación e Integración do Concello de Burela impartirá accións formativas para axudar a alcanzar un bo grao de integración ás persoas estranxeiras.
Desenvolveranse un total de tres cursos financiados pola Consellería de Política Social da Xunta de Galicia e polo Fondo Social Europeo.
O curso de esforzo de integración terá unha duración de 24 horas e será impartido nas instalacións do Concello de Burela. No regulamento de estranxeiría existe a posibilidade da emisión de informes de esforzo de integración que poden ser válidos para as renovacións de autorizacións. Esta acción tamén pode ser útil para iniciarse na formación acreditando a asistencia ás accións formativas de coñecemento e respecto dos valores constitucionais de España, dos valores estatuarios de Galicia, dos valores da Unión Europea, así como dos dereitos humanos, liberdades públicas, democracia, tolerancia e igualdade entre homes e mulleres.
O segundo dos cursos sería o preparatorio da proba de coñecementos constitucionais e socioculturais de España para a adquisición da nacionalidade española. A temática deste obradoiro é coñecer o Goberno, lexislación e participación cidadá, os dereitos e deberes fundamentais, a organización territorial e a xeografía física e política de España., ademais de coñecer a cultura e a historia de España e a sociedade española. Con esta formación trátase de axudar a preparar a mencionada proba esixible para a obtención da nacionalidade española. Terá unha duración de 50 horas.
Tamén haberá un curso de habilidades dixitais básicas, cunha duración de 20 horas, enfocado principalmente ao coñecemento e o uso das novas tecnoloxías co fin de ir perdendo o medo a accións tan necesarias na actualidade para poder dirixirse a distintas institucións ou entidades e poder realizar diversos trámites do día a día e cos cales moitas veces non se está moi familiarizado.
A concelleira de Inmigración, Cooperación e Integración, Noelia Mª Ben, convidou “ás persoas que podan estar interesadas a que participen e se inscriban nos cursos para adquirir novas habilidades e mellorar a súa integración e benestar”.
Pódese solicitar máis información na Casa do Concello ou chamando ao 982 58 60 00 / 982 58 06 09.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
