Viveiro, 4 de outubro, 2022. Ante a noticia aparecida nos medios de comunicación relativa á solicitude de participación colectiva da veciñanza da Misericordia na próxima sesión plenaria e tendo en conta as declaración realizadas pola voceira do BNG, afirmando que os veciños poderán participar no pleno de mañá martes, 4 de outubro, quérese aclarar en primeiro lugar que o asunto sobre o que se quere falar é un tema complexo e que por parte do concello se entende a preocupación dos veciños.
Enténdese, asemade, que os veciños realicen as súas reclamacións e que a voceira do BNG estea con eles como calquera representante político municipal. O que non se entende é que Miriam Bermúdez confunda aos veciños simplemente por artimañas políticas; ela sabe que o Pleno é un órgano regrado, no que están representados todos os veciños e veciñas, e que se rexe por un regulamento, o Regulamento de Organización Municipal (ROM), no que se establece o procedemento para este tipo de participación veciñal e todas as demais cuestións que teñan que ver coas sesións plenarias.
A voceira do BNG sabe que nese Regulamento se estipulan uns prazos e que, neste caso en concreto, non é posible incluír esta participación veciñal no pleno do MAÑÁ, martes 4, porque as sinaturas se presentaron o venres, cando o pleno xa estaba convocado e sen cumprir os prazos de antelación previstos, que establecen que estas peticións para ser incluídas no vindeiro pleno ordinario deben presentarse con 10 días de antelación.
Sabe que este punto non se pode incorporar na orde do día e aínda así anúnciao. Entendemos que apoie aos veciños, pero o que non entendemos é que se aproveite da situación. Non comprendemos que anuncie que os veciños van intervir no pleno de mañá, cando sabe que o regulamento establece que a petición ten que realizarse co antelación referida.
Os plenos réxense por un regulamento no que se establece o procedemento a seguir en cada caso, os prazos, etc, e a voceira do BNG sábeo, polo que está enganando aos veciños e mentindo cando di que non se lles deixa falar, porque non é certo. O único que hai que facer é cumprir o regulamento, ademais de indicar, neste sentido, que hai outros procedementos e outras maneiras de que os veciños poidan falar e expresar as súas inquedanzas, non ten porque ser só no pleno.
A presentación de sinaturas para intervir no pleno é unha das formas recollidas no Regulamento, pero hai que facelo en tempo e forma, polo que lles correspondería facelo no próximo pleno de novembro. De todos xeitos, entendemos que é un tema complicado e como os veciños contaban con poder intervir mañá vamos deixarlles falar nesta sesión plenaria.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
