Ribadeo, 17 de outubro de 2022. Xa está todo listo para a celebración da quinta edición das xornadas gastronómicas Asturias en Ribadeo, que se celebrarán a vindeira fin de semana do 21 ao 23 de outubro. Están organizadas por Acisa e na cita participan 14 locais hostaleiros.
A presidenta de Acisa Ribadeo, Carmen Cruzado, indicou que “desde Acisa decidimos apostar polas xornadas gastronómicas Asturias en Ribadeo, que se van celebrar do 21 ao 23 de outubro, como actividade dinamizadora da nosa hostalaría. Con elas queremos render así homenaxe á veciñanza asturiana, que todas as fins de semana do ano se achega ata Ribadeo a tomar os viños, os vermús, a comer, a cear, a pasear ou a mercar no comercio local. A súa presenza é moi importante para nós e por iso volven estas xornadas, que debido á pandemia do covid deixaron de celebrarse”.
O xerente da Asociación de Comerciantes, Industriais, Servizos e Autónomos, Jesús Pérez, explicou que “son 14 os locais participantes, que ofrecerán tapas e menús especiais ao longo da vindeira fin de semana. As diferentes propostas gastronómicas asturianas poderanse encontrar nos seguintes establecementos hostaleiros: El Rincón del Gordo, Galipizza, La Solana, Queimada, O Indiano, Mareta, A Horta de San Roque, Rosalar, La Bugalla, Goia´s, Delicatés, La Lira, O Alén e O Lar de Manolo”.
E engadiu que “todas as propostas dos locais participantes poderán consultarse nas redes sociais de Acisa”.
Cruzado Iglesias sinalou que “as xornadas gastronómicas Asturias en Ribadeo foron desde o primeiro momento un reclamo tanto para os residentes na Mariña lucense como para os veciños e veciñas do Principado, de aí que as organicemos de novo este ano. Queremos animar a asturianos e galegos a que vaian facendo un oco nas súas axendas para vir a Ribadeo a saborear todas as propostas que nos ofrecerá a hostalería local os días 21, 22 e 23 de outubro. Calquera día é un bo momento para vir ata Ribadeo, pero si temos a posibilidade de facelo para saborear a gastronomía asturiana, mellor que mellor”.
Na presentación das xornadas Asturias en Ribadeo participaron o xerente, o secretario, a vicepresidenta e a presidenta de Acisa, Jesús Pérez, Felipe Fernández, Virginia Eceiza e Carmen Cruzado, respectivamente.
Colaboración coa AECC
Un ano máis Acisa Ribadeo colaborará coa Asociación Española de Loita contra o Cancro. Desde hoxe, 17 de outubro, varios negocios asociados contarán con huchas para a recollida de donativos destinados a este colectivo.
O mércores, día 19, celébrase o día internacional da loita contra o cancro de mama, xornada na que as asociacións fan fincapé na importancia da investigación, da ciencia e da saúde, así como para lembrar a todas esas mulleres que sofren ou sufriron esa enfermidade.
Carmen Cruzado comentou que “as persoas que desexen colaborar coa Asociación Española de Loita contra o Cancro de Ribadeo poden deixar os seus donativos en Farmacia Álvarez Lebredo, Foto Miguel, Beep, Sendín, Folder, Sanjurjo, Esprit, Opticalia, Galipizza, Mercería Torviso, Panadería Torviso, For Friends, Siñeiro Hogar, Anais, Susana Moreira, O Indiano, La Coqueta, Saia, Ginzo , Vitaldent, R23, El Rincón del Gordo, Xeito, La Florida, Linares, La Moda Sport, Gestión de Sistemas Eléctricos, Glass, Javier Montero, Don Buchi, Óptica Carreira e Naná”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
