A institución provincial conta un ano máis cun espazo propio neste evento único no calendario de feiras comerciais internacionais que dedicará o sábado á provincia de Lugo
Lugo, 9 de novembro de 2022. O Deputado de Cooperación e Asistencia aos Concellos, José María Arias Fernández, participou na mañá deste mércores na inauguración do 23º Salón Internacional de Turismo Gastronómico Xantar 2022, que exhibe dende hoxe ata o domingo en Ourense a calidade gastronómica e o turismo sostible e saudable fusionando tradición e innovación dos territorios de Galicia.
A Deputación conta un ano máis cunha destacada presenza neste evento internacional, único no calendario de feiras comerciais internacionais, a través dun espazo propio cun expositor dende o que se proxectará o potencial da provincia como destino enogastronómico e turístico.
Arias Fernández destacou a importancia de contar cun espazo reservado neste salón internacional, que dedicará o sábado día 12 á provincia de Lugo, o que supón “un gran escaparate mundial para achegar a un maior público a calidade e identidade dos nosos produtos gastronómicos, así como a diversa oferta turística que ofrece a nosa provincia”. Uns obxectivos, “que forman parte da aposta da institución para potenciar o sector turístico como motor económico dos concellos a través dun modelo de calidade, sostible, de experiencias, con capacidade para atraer visitantes todo o ano, e que pon en valor o paisaxe, o patrimonio, as costumes e a gastronomía”, apuntou.
Neste senso, lembrou iniciativas impulsadas pola Deputación, como os premios á excelencia turística e gastronómica de empresas e entidades lucenses; as xornadas de gastronomía e lecer Saborea a túa Provincia; rutas polo románico; actividades de turismo de aventura e deportivo; actividades fluviais; a promoción da provincia como plató de cine; ou o programa de viaxes gratuítas para entidades asociativas Coñece a túa Provincia.
5 días de intensa actividade
O Salón Internacional de Turismo Gastronómico ofrece no recinto feiral de Expourense cinco días de intensa actividade orientados tanto a profesionais como a público en xeral. O programa inclúe showcookings de cociña en directo cos mellores chefs, catas comentadas, maridaxes, degustacións, así como conferencias de expertos e presentacións de produtos innovadores.
Estes días, daranse cita no evento empresas de restauración, produtores e entidades públicas e privadas nacionais e internacionais, que ofrecerán ao visitante unha viaxe entre aromas, texturas e sabores dos destinos enogastronómicos máis punteiros de España, Portugal e Iberoamérica.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
