O Deputado de Participación Cidadá asistiu este xoves á inauguración das XXVI Xornadas Técnicas de Difusión do Sector Pesqueiro de Celeiro, promovidas pola OPP Porto de Celeiro e a Confraría de Pescadores Santiago Apóstolo
Lugo, 24 de novembro de 2022. O Deputado de Participación Cidadá, Roberto García Pernas, asistiu este xoves á inauguración das XXVI Xornadas Técnicas de Difusión do Sector Pesqueiro de Celeiro, no concello de Viveiro, unha cita de referencia para o sector da pesca na provincia e en toda Galicia, promovida pola OPP Porto de Celeiro e a Confraría de Pescadores Santiago Apóstolo da localidade. O foro desenvolverase ata o vindeiro sábado cun amplo programa composto por 25 relatorios.
Roberto García Pernas felicitou ós organizadores por este foro “que se ten consolidado nestes anos de traxectoria como unha cita de referencia para o sector”, e no que se abordarán asuntos de calado e de actualidade, como a decisión da Unión Europea “de impoñer vetos á pesca de fondo nos caladoiros do Atlántico”. Unha decisión, recalcou García Pernas, que é “inxustificada, adoptada sen contar con información actualizada e de costas ás comunidades que viven do mar e para o mar”.
O Deputado valorou que esta determinación europea “mereceu o rexeitamento xeral do sector e das forzas políticas e institución galegas”.
Neste senso, García Pernas subliñou o compromiso da Deputación co tecido produtivo da provincia, do que subliñou “a pesca é un elemento fundamental, polo seu impacto socioeconómico na comarca da Mariña, e tamén pola forza dos seus produtos de alta calidade á hora de consolidar unha oferta gastronómica e turística moi atractiva”. Por iso, engadiu, “seguiremos defendendo os intereses do sector e respaldando citas como estas xornadas, que serven para expoñer o que é hoxe o mundo do mar, as súas potencialidades e, por suposto, as súas lexítimas demandas”.
Xunto ao Deputado, no acto de apertura das XXVI Xornadas Técnicas de Difusión do Sector Pesqueiro de Celeiro, participaron José Novo Rodríguez, presidente de Porto de Celeiro; Domingo Rey Seijo, Patrón Maior da Confraría de Celeiro; Jesús Fernández Fernández, primeiro tenente de Alcaldesa de Viveiro, Javier Arias Fouz, Delegado da Xunta en Lugo, e o xornalista Xusto López Carril.
Un foro clave para o sector
As xornadas contan cun amplo programa composto por 25 relatorios de expertos de primeiro nivel no sector pesqueiro, que analizarán os desafíos actuais da flota para aportar solucións. Entre os asuntos de interese que centrarán o debate destacan temas de calado e de actualidade como a financiación, a xestión marítimo-pesqueira e portuaria, así como o impacto da eólica mariña na pesca, e a Política Pesqueira Común (PPC).
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
