A entrega do galardón será o vindeiro 2 de decembro no Teatro Pastor Díaz coa presenza do escritor Suso de Toro
Viveiro, 3 de novembro de 2022. O Concello de Viveiro anuncia que Irene Rega Jul, coa súa obra Tecendo Redes, é a gañadora do IV Premio de Novela Vilar Ponte. O xurado vén de anunciar o resultado do certame, así como a segunda praza de Francisco Ant. Vidal Blanco, coa súa obra As cartas do desarraigo.
O Premio de Novela Vilar Ponte, que cumpre este ano a súa cuarta edición, naceu coa finalidade de lembrar aos escritores Antón e Ramón Vilar Ponte e, asemade, apoiar e difundir a literatura en lingua galega.
“Parabéns aos dous escritores premiados neste certame, que gaña recoñecemento e consolidación cada ano. Un certame que impulsa sen dúbidas a creación literaria na nosa lingua”, afirma a alcaldesa, María Loureiro
O xurado desta edición estaba composto por Carlos Nuevo Cal, cronista oficial de Viveiro, profesor e historiador; Eva Mejuto Rial, escritora e xestora cultural; e María Lado Lariño, escritora.
Deste modo, na elección das obras finalistas valoráronse diferentes aspectos, como a calidade literaria, a boa narrativa, a temática, a actualidade e frescura na obra, a cohesión das partes da obra e a boa construción da trama.
A gañadora desta edición é Irene Rega Jul, coa obra Tecendo Redes. Segundo o xurado, a súa obra “contribúe ao corpus da novela negra galega aportando unha mirada renovadora ás temáticas clásicas do xénero”.
Para os expertos, na obra premiada “destacan o ritmo narrativo, a construción dos personaxes e una trama que mantén a intriga ata o final”. Por outra banda o xurado sinala “a escolla de escenarios pouco habituais no xénero; así como o feito de tratar temas e problemáticas da sociedade actual, como o acoso ás mulleres e o maltrato cun enfoque comprometido.”
O segundo premio correspóndelle a Francisco Ant. Vidal Blanco, coa súa obra As cartas do desarraigo. O xurado sinala que escolleu a obra “polo tratamento que fai das relacións familiares, a investigación sobre o pasado, a riqueza na creación dos personaxes, tanto os individuais como a vila que conforma un ecosistema singular”.
O premio entregarase o vindeiro venres 2 de decembro no Teatro Pastor Díaz de Viveiro, ás 20:30. O escritor Suso de Toro será o mantedor do acto.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
