Isabel Rodríguez participou no minuto de silencio e na lectura da declaración institucional do Goberno con motivo do 25N, Día Internacional para a Eliminación da Violencia contra as Mulleres
Lugo, 25 de novembro de 2022. A subdelegada do Goberno en Lugo, Isabel Rodríguez, presidiu este venres o minuto de silencio e a lectura da declaración institucional, celebrados diante da Subdelegación para conmemorar o 25N, Día Internacional para a Eliminación da Violencia contra as Mulleres. No acto, tamén participaron a alcaldesa de Lugo, Lara Méndez; o deputado Provincial, Pablo Rivera; a concelleira de Igualdade, Ana Abelleira; representantes da Policía Nacional, Garda Civil, Institucións Penitenciarias, así como as traballadoras e traballadores da Subdelegación.
Isabel Rodríguez lembrou ás 38 mulleres vítimas de violencia de xénero durante este ano e subliñou o absoluto rexeitamento a todas as formas de violencia machista, “unha violencia estrutural que é a expresión máis cruel da discriminación, a situación de desigualdade e as relacións de poder dos homes sobre as mulleres” e reiterou a firme determinación do Goberno na consecución dunha sociedade máis igualitaria, libre de violencia contra as mulleres.
Igualmente, a subdelegada destacou que, tal e como pon de manifesto na declaración institucional aprobada polo Goberno “a erradicación da violencia contra as mulleres debe ser un obxectivo básico e ineludible das políticas públicas para calquera goberno que estea comprometido coa protección dos dereitos humanos”.
Neste sentido, sinalou que o Goberno está a promover iniciativas para avanzar na loita contra a violencia machista como a entrada en vigor da Lei de garantía integral da liberdade sexual, a consolidación do Pacto de Estado contra a Violencia de Xénero, a posta en marcha do Plan Camiño, para desenvolver medidas que dean alternativas económicas, laborais e sociais a todas as vítimas de trata e explotación sexual; ou a Estratexia Estatal contra as violencias machistas 2022-2025, que se aprobará este ano.
“A loita contra as violencias machistas forma parte do corazón da nosa democracia, e é desde este compromiso cos dereitos humanos e as liberdades fundamentais desde o que o Goberno quere enviar de novo unha mensaxe de recoñecemento e homenaxe a todas as mulleres, nenas e nenos vítimas da violencia machista, a quen xa non están entre nós, e ás súas familias, así como a todas as sobreviventes”, rematou a subdelegada.
601 casos activos na provincia
A subdelegada chamou á sociedade a seguir traballando unida na loita contra a violencia machista para erradicar unha lacra que está moi presente na sociedade, como o demostran os 601 casos activos na provincia que ten notificados o Sistema Vioxén de protección das vítimas. A subdelegada detallou que destes non hai casos catalogados de risco extremo, pero si hai 6 de risco alto, 91 que son de risco medio, 277 de risco baixo e 227 de risco non apreciado.
Xornada formativa o día 28
Con motivo do Día Internacional para a Eliminación da Violencia contra as Mulleres, a Subdelegación organiza o próximo luns, 28 de novembro, a xornada “Violencia económica sobre la mujer: Impago de pensiones”, que impartiran a maxistrada titular do Xulgado nº2 de Lugo, Sandra Piñeiro Vilas; e a psicóloga sanitaria e forense da Asociación Penitenciaria Concepción Arenal, Raquel Lombao Fernández.
Esta actividade formativa está dirixida a persoal dos servizos sociais dos concellos da provincia, dos centros de información da muller e das asociacións lucenses que traballan con mulleres vítimas de violencia de xénero.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
