Sanjurjo cre que “para a reforma do Hospital Asilo deberían aparecer no orzamento fondos Next Generation, pero o goberno local non os solicitou e agora prefire pedir colaboración extraordinaria á Xunta”
Ribadeo, 28 de novembro de 2022. O Grupo Municipal Popular de Ribadeo abstívose na votación para a aprobación dos orzamentos municipais para o vindeiro ano 2023 ao consideralos “o conto da leiteira” porque os ingresos baséanse nunha “estimación”, tal e como advirte o informe da interventora. “Trátase de ingresos que, para o Grupo Municipal Popular, non se deberían incluír porque teñen que ver co aumento de ingresos polo ICIO e a taxa de licenza urbanística do parque eólico Mondigo para o que nin sequera está solicitada a licenza”, sinala a concelleira Begoña Sanjurjo. Tamén se inclúe nos ingresos outra estimación: a do prezo público do Hospital Asilo.
As dúas inversións que destaca o goberno local do BNG son aquelas para as que o Grupo Municipal Popular xestionou orzamento: o novo centro de saúde e a reforma do Hospital Asilo. “O goberno local destaca 101.000 euros para a compra dos terreos para o centro de saúde, pero trátase doutra estimación porque contan sacalos dunha posible poxa de inmobles propiedade do Concello; pero se non se cubre ou non se venden, o orzamento dispoñible será 0”. Nese caso, os populares pregúntanse se o goberno local recorrerá a un crédito para adquirir os terreos. Só faltaría que despois de que o Grupo Popular lle fixera o traballo de xestionar 3,8millóns para un novo centro de saúde o goberno do BNG non sexa capaz de poñer os terreos”, incide.
Sobre a reforma do Hospital Asilo que o goberno local define como “compromiso coa cidadanía”, a concelleira popular lembra que “tivo que estar azuzando o Grupo Municipal Popular; senón igual aínda estaba nun caixón”. De feito, Sanjurjo cre que “deberían aparecer nos orzamentos fondos Next Generation solicitados e aprobados porque a FEGAMP informou ao goberno local dunha subvención dentro do Fondo Europeo de Recuperación, Transformación y Resiliencia que podía chegar incluso a 1,2 millóns; pero que o goberno do BNG non solicitou. Agora, solicitan fondos a través de convenios extraordinarios e queren que a Xunta lles axude por unha vía especial: a vía ordinaria debeulles parecer pouco chamativa. É penoso que non soliciten axudas e despois que choren porque non lles dan”. Con todo, “a Xunta está comprometida coa cidadanía e estará ao lado dos nosos maiores e das súas familias, ignorando a mala xestión do equipo de goberno”.
Tamén critica a concelleira popular a falta de xestión por parte do goberno do BNG en relación aos fondos Next Generation. Xa que non hai nada reflectido no orzamento, Sanjurjo pregúntase cantos proxectos e canto diñeiro público aproveitará Ribadeo. Igualmente, sinala que “se houbera outra inversión destacable cofinanciada por algunha administración aparecería nos presupostos”.
AS INVERSIÓNS SOBEN MENOS QUE O IPC
A popular explica que “se trata duns orzamentos un 8% máis altos que os do 2022 debido ao aumento que lle corresponde ao Concello polo reparto dos tributos do Estado, pero que non se notará ningún incremento da inversión porque está todo, como mínimo, un 9% máis caro que fai un ano. Soben as inversións menos que o IPC”. É máis, Sanjurjo lamenta que as inversións contempladas no orzamento de Ribadeo sexan só un 10% do total do orzamento”.
Agradeceu á Agrupación Hijos de Galicia e ao Ayuntamiento a súa acollida e puxo en valor o papel da emigración como embaixadora da vila. Rouco convidou a descubrir Vilalba e a súa identidade cultural e gastronómica, destacando produtos como o Queixo San Simón da Costa ou o Capón de Vilalba. Durante toda a fin de semana, a vila contará cun espazo propio na Praza do Kasko para promocionar os seus atractivos turísticos e reforzar a súa proxección fóra de Galicia.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
