Antes da Asemblea abrirase unha mesa de captación de afiliados, que estará instalada no mesmo centro sociocultural de 11:00 a 12:00 horas
Alfoz, 9 de novembro de 2022. O vindeiro domingo 13 de novembro de 2022 ás 12:00 horas, en primeira convocatoria, e ás 12:30 horas, en segunda, celebrarase a III Asemblea Xeral de VIA Alfoz. O acto terá lugar no Salón de Actos do Centro Sociocultural de Alfoz.
Coma en citas anteriores, antes da Asemblea Xeral abrirase unha mesa de captación de afiliados que estará instalada no mesmo Centro Sociocultural de 11:00 a 12:00 horas.
Desde a Dirección Executiva recórdase que, para poder votar na Asemblea, será necesario estar ao corrente de pago da cota de militante. Ademais, aqueles simpatizantes que desexen participar e votar nas discusións da Asemblea Xeral deben primeiro afiliarse ao partido como militantes.
Segundo indican desde a Dirección Executiva, os afiliados que queiran que algún asunto do seu interese se eleve ante a Asemblea Xeral, poden envialos ao correo vialfoz@gmail.com, para ser incluído, na orde do día. Ademais, os afiliados que o desexen, ou que non podan asistir de forma presencial, poden enviar os seus rogos e preguntas para que sexan tratados na propia Asemblea.
Toda a información da asemblea estará colgada na web www.vialfoz.com/iii-asemblea-xeral-via-alfoz.
Tras a Asemblea Xeral, VIA Alfoz celebrará unha comida de irmandade á que poderán asistir todos os afiliados, tanto militantes como simpatizantes, así como os acompañantes que o desexen, sexan afiliados ou non. A comida está programada para as 15:00 horas no Restaurante O Frenazo. Os interesados deberán comunicalo a calquera membro da actual Dirección Executiva ou no correo vialfoz@gmail.com.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
