O concello, cun stand propio na feira internacional gastronómica, ofrecerá degustacións gratuitas con diferentes formas de elaborar a merluza do pincho
Viveiro, Viveiro, 10 de novembro de 2022. O Concello de Viveiro será protagonista mañá venres no Día do Mar que se celebrará en Xantar 2002, o Salón Internacional de Turismo Gastronómico que ten lugar ata o próximo domingo en Expourense.
A alcaldesa María Loureiro, xunto ao tenente de alcalde Jesús Fernández e a concelleira de Turismo, Marisol Rey, representarán ao concello nunha xornada tamén adicada a Ponte de Lima (Portugal) e á provincia da Coruña.
A axenda deste Día do Mar comezará ás 12:25 horas coa recepción e benvida polos membros do Patronato de Expourense, que dará paso a un acto conducido por Rogelio Martínez, director xerente de Expourense e Director de Xantar. María Loureiro intervirá ante aos asistentes para expoñer a oferta turística de Viveiro, o seu amplo programa cultural e festivo ao longo do ano e falar da súa gastronomía, especialmente da merluza do pincho, o produto sobre o que xirarán ás actividades previstas nesta feira internacional.
Trala súa intervención, ofrecerase a partir das 12:30 horas unha degustación gratuíta de merluza do pincho do Celeiro acompañada por empanada de merluza do pincho e Pan dos Apóstoles, o doce típico de Semana Santa.
A continuación chegará o ‘Showcooking’ que correrá a cargo de Lucas Requejo ás 13.30 horas. Baixo o epígrafe ‘ADN Gastronómico de Viveiro’, o investigador e divulgador de Ecogastronomía, director da iniciativa Prato-Do e delegado en Galicia da Fundación Ecotur, amosará as virtudes do produto estrela da mariña lucense nunha experiencia ecograstronómica onde viaxar coa imaxinación e os sentidos. Será a primeira vez que se realiza unha degustación deste tipo en directo dividida en tres pratos.
En primeiro lugar, prepararase ‘Viaxando da Estación Agroecolóxica de Viveiro ao mar do s. XVII en Viveiro’, que consistirá nunha bolacha mariñeira con alimentos da ‘non horta próxima’, sardinillas do Cantábrico en conserva e queixo afumado San Simón da Costa.
Tamén elaborará ‘Pinchando a merluza de Celeiro guisada: allo, cebola e pataca sempre fixeron guiso ‘pobre’ e con merluza do pincho de Celeiro e alga percebe, que guisada farán?’
O terceiro prato será ‘Gozando da colineta de Viveiro: a colineta era capaz de facerlle competencia, mesmo, á tradicional torta mindoniense’, escribiu Álvaro Cunqueiro.
Viveiro conta cun stand propio na 23ª edición Salón Internacional de Turismo Gastronómico Xantar 2022 no que difundirá material de promoción turística e os folletos remitidos polos establecementos hostaleiros do municipio. Tamén o stand servirá de punto de encontro con turoperadores e profesionais do sector, xunto co público en xeral.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
