Ribadeo, 10 de novembro de 2022. Acisa mantivo un encontro co Brigada Comandante de Posto e con compoñentes de Seguridade Cidadá da Garda Civil de Ribadeo.
O obxectivo da xuntanza “foi darnos a coñecer tras a chegada da nova directiva e achegarlles as inquedanzas das nosas asociadas e asociados, que o que nos pediron nas últimas semanas é que reclamemos unha maior presenza das Forzas e Corpos de Seguridade, especialmente nas zonas de movida durante as fins de semana. Ribadeo podemos dicir, que en liñas xerais, é unha vila tranquila e agardamos que así siga sendo”, sinalou a presidenta de Acisa, Carmen Cruzado.
Os delitos telemáticos a través de internet están a preocupar tamén en Ribadeo: “cada vez son máis as persoas que sofren estafas ou enganos ao realizar compras a través de internet. Tamén se producen pagos en tendas con tarxetas de crédito clonadas. E diso tamén falamos na xuntanza de hoxe e da posibilidade de organizar algunha charla informativa para poder detectar este tipo de delitos e para saber como actuar en cada momento”, explicou Jesús Pérez, o xerente da Asociación de Comerciantes, Industriais, Servizos e Autónomos de Ribadeo.
Cruzado Iglesias agradeceu o encontro, que cualificou como “cordial e comprometémonos a colaborar en todo o que sexa posible”.
Desde a directiva de Acisa insisten unha vez máis “en apoiar ao comercio local facendo as compras nos negocios de Ribadeo, onde atopamos un trato próximo, onde tocamos os produtos, onde falamos coas dependentas e dependentes e cos empresarios e onde todas e todos nos coñecemos. Deste xeito tamén evitaremos sufrir enganos e sustos a través de internet”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
