Na presentación do proxecto participaron a directora da película, o delegado territorial de Lugo, Javier Arias, e o director da Agadic, Jacobo Sutil
Lugo, 14 de decembro de 2022. O municipio da Fonsagrada acolle estes días a rodaxe da película As Neves, da viguesa Sonia Méndez, que conta co apoio da Xunta de Galicia a través da Axencia Galega das Industrias Culturais (Agadic). A Delegación Territorial da Xunta en Lugo acolleu hoxe a presentación do proxecto coa participación da directora e produtores do filme, o delegado territorial, Javier Arias, e o director da Agadic, Jacobo Sutil.
As Neves, de Cósmica Producións e coproducido con Aquí y Allí Films, é a primeira experiencia de Méndez como directora e guionista de longametraxe de ficción, se ben acredita máis de vinte anos de traxectoria profesional no audiovisual, tanto na dirección como no guión, actuación e produción. Entre os recoñecementos acadados, conta cos Premios Mestre Mateo á mellor curtametraxe nos anos 2011 y 2012 por Las Damas Negras e Conversación con una mujer muerta.
O departamento de Industrias Culturais da Xunta financia con 260.000 euros a realización desta longametraxe, á que xa destinara 18.200 euros no ano 2019, ao abeiro da liña de achegas para o desenvolvemento deste tipo de proxectos; nese caso, serviu para sentar as bases da produción, traballando no guión, na busca de emprazamentos e na estratexia de financiamento.
A película é un drama psicolóxico sobre un grupo de adolescentes que viven nunha contorna illada e natural pero tamén en continuo contacto co mundo global a través das novas tecnoloxías e internet, e cuxa vida vese sobresaltada pola desaparición duna compañeira.
O equipo está composto por máis de 60 persoas e está previsto que a rodaxe se estenda ata o 14 de xaneiro, se ben será preciso agardar a que haxa neve para tomar algunhas escenas. En xeral os exteriores e infraestruturas, como o cuartel da Garda Civil, as pistas de baloncesto ou o centro social, corresponden á Fonsagrada, pero tamén hai localizacións na Pobra de Burón -a vinte minutos do casco urbano-, A Pontenova, e Santiago de Compostela.
Tanto o delegado territorial como o director da Agadic déronlle os parabéns aos responsables do proxecto pola posta en marcha dunha nova rodaxe na nosa Comunidade que proxectará a imaxe de Galicia, contribuirá á difusión da nosa lingua propia e continuará a fomentar a actividade do sector audiovisual galego, así como os seus efectos positivos na dinamización económica sobre o territorio.
As convocatorias de subvencións da Xunta para producións e coproducións audiovisuais de contido cultural galego teñen un efecto multiplicador do investimento público, xa que ademais de dinamizar a contratación de servizos e profesionais vinculados directamente á produción audiovisual, producen un considerable impacto económico e de proxección exterior para as contornas que acollen as súas rodaxes.
Impulso en todas as etapas
Estas achegas son, ademais, un dos piares do programa anual de axudas ao sector a través do que a Xunta apoia economicamente as empresas en todas as etapas do proceso audiovisual: desde a promoción do talento na creación e as fases de preprodución, rodaxe e posprodución ata a súa difusión, comercialización e exhibición.
A través das subvencións á produción e coprodución de 2020 e 2021, 31 produtoras galegas resultaron beneficiarias dun total de cinco millóns de euros para 42 obras audiovisuais cuxos orzamentos globais suman máis de 26 millóns de euros; en concreto, 10,6 millóns en 2020 e 15,7 millóns en 2021, e entre os seleccionados neste último ano figura a longametraxe As Neves, que está agora en fase de rodaxe na Fonsagrada.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
