Mentres o equipo laranxa continúa a súa boa dinámica, o Parrulo perde 7-8 contra o Martorell e o Alzira empata contra o Sala 10 Zaragoza, ambos na casa
Sábado 3 de decembro. O CD Burela FS continúa traendo vitorias á casa, esta vez no CD La Rosaleda esta tarde ás 19.00 horas contra o Caja Rural Atlético Benavente, que xogaba con desvantaxe ao non poder contar con catro xogadores que botaron durante a semana.
Na primeira parte o Burela FS comenza con moi bo pé e xa no minuto 1 Isma pon o 1-0 a favor do equipo laranxa, podendo poñerse 3-0 pouco despois con dúas ocasións moi claras e no minuto 6 Rikelme suma o 2-0 seguido de David Pazos que pouco despois consegue o 3-0 para o seu equipo e suma 15 goles para o seu ranking da temporada, continuando como máximo goleador seguido de Adri e Pani. No minuto 17, debido a un pequeno desaxuste do equipo burelés, Preciado marca o 3-1 que os levaría ao descanso.
Na segunda parte o Burela FS sae con aínda máis forza que na primeira parte metendo dous goles por parte de Pitero e Alberto Mirás nos minutos 22 e 24 que matan o partido deixando ao Atlético Benavente con poucas opcións o resto do encontro ante un sobrio Burela moi centrado e maduro. Aínda que o equipo local recorre ao porteiro-xogador o CD Burela FS demostra que se resolve con solvencia neste tipo de situacións, defendendo eficientemente a súa portería e incluso sumando outros 2 goles de, otra vez, Alberto Mirás e Eloy, nos minutos 32 e 39.
Ao final do encontro e debido á tranquilidade que o seu equipo lle estaba aportando, David Rial concede un minuto de xogo a Bruno Expósito, prometedor xogador dos equipos de base do club.
Ficha Técnica:
CD Burela FS: M.Kaluza (P), Pitero, Isma, Rikelme, David Pazos, – cinco inicial- Lucho, Bruno Expósito, F.Torres, Alberto Mirás, Antón Arnejo, Eloy, Bruno (P).
Caja Rural Atlético Benavente: Imanol Ch.D (P), Fran, Charliente, Dani Colorado, Heras – cinco inicial-, Alejandro, Brian NM, Ibai, Preciado, Dani Simón, Domi, Diego, Corral, Tomy (P)
Goles: Min.1 Isma 0-1; Min.6 Rikelme 0-2; Min.9 David Pazos 0-3; Min.17 Preciado 1-3; Min.22 Pitero 1-4; Min.24 Alberto Mirás 1-5; Min.32 Alberto Mirás 1-6; Min.39 Eloy 1-7.
Equipo Arbitral: Gael García Schmid, Óscar Gómez Merino, Paula Álvarez Nogueiro, Carmen María Martínez Miguel.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
