Ribadeo, 19 de decembro de 2022. O Departamento de Electricidade do Centro Integrado de Formación Profesional (CIFP) Porta da Auga, de Ribadeo, rematou as actuacións que forman parte do proxecto premiado pola Xunta de Galicia para a creación de espazos de tecnoloxía aplicada, que inclúe unha instalación solar para autoconsumo. Este centro ribadense foi o único da provincia de Lugo dos 14 elixidos en Galicia.
O xefe do Departamento de Electricidade, Benito Fernández Rei, anunciou hoxe: “rematamos as instalacións do proxecto que presentamos este ano dentro dunha convocatoria da Xunta de Galicia que se chama de espazos de tecnoloxía. Estas actuacións foron relativas a dous puntos principalmente, un deles é a realización no CIFP Porta da Auga dunha instalación solar fotovoltaica para autoconsumo, que colocamos co alumnado do ciclo formativo de grao superior de adultos que temos no instituto. É de 8,6 quilovatios pico, con 18 paneis de 465 vatios cada un e un inversor trifásico, instalación que xa está funcionando. Témola conectada á rede para autoconsumo e está producindo a pleno funcionamento”.
Benito Fernández Rei engadiu: “tamén fixemos a adecuación dun dos talleres para montar unha maqueta que simula a instalación eléctrica dun edificio con dúas centralizacións adaptadas para a recarga do vehículo eléctrico nun edificio con garaxe comunitario. Simulamos uns puntos de recarga no garaxe e os cadros das vivendas; entón basicamente esta maqueta permite realizar todas as instalacións de recarga de vehículo eléctrico para edificios comunitarios, con vivendas e garaxe. Hai dúas formas, co cal temos dúas centralizacións: unha delas está preparada para un punto de recarga individual para cada vivenda, de xeito que cada vivenda tería o seu punto de recarga na praza de garaxe; e, por outra banda, a segunda forma que se contempla na regulamentación actual é unha instalación colectiva cun só contador de enerxía para varios ou todos os puntos de recarga do garaxe. Esta maqueta, que colocamos nun dos talleres do Departamento de Electricidade, permite facer todas estas instalacións simuladas con puntos de recarga reais -de 7,4 kilovatios- e permite tamén facer outro tipo de instalacións, como de intercomunicación, de telefonía e de alumeado, propias dos edificios de vivendas. Isto realizámolo desde que empezou este curso, en setembro, ata este mes de decembro”.
Para estas instalacións o profesor Benito Fernández Rey presentou a finais do ano 2021 un proxecto que foi premiado, xunto con outros 14 centros de Secundaria de toda Galicia, con 55.000 euros. Esta dotación ven dada polo Ministerio de Educación e Formación Profesional a través dos fondos Next Generation da Unión Europea na convocatoria feita pola Xunta de Galicia.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
