Eugenia Requeijo lembra que tiveron que loitar en vía xudicial para que o alcalde rectificase a súa decisión no pleno de outubro do 2021 de repetir a votación
Muras, 14 de decembro do 2022. O PP de Muras tivo que acudir ao xulgado para que o alcalde rectificase e recoñecese como válida a primeira votación, no pleno de outubro do 2021, e saíse adiante a moción popular contra o incremento da protección do lobo. Hai que lembrar que no pleno no que hai máis dun ano se debateu a indicada moción o BNG abstívose e o PSOE votou en contra. O alcalde deuse conta de que, deste xeito, gañaba a votación o PP, decidiu que se volvera a votar, e esta vez dous concelleiros do Bloque fixérono en contra (un abstívose), igual que o PSOE, polo que a moción foi rexeitada. Para a portavoz popular, Eugenia Requeijo, que prosperase esta moción é importante nun concello no que “todo o mundo ten gando” e coñece ben os problemas que ocasionan os lobos. Requeijo destacou que “pelexamos ata o final para que se fixera xustiza e finalmente conseguimos que se aprobara a nosa moción grazas á resolución xudicial”.
No seu momento, os populares decidiron presentar recurso de reposición fronte á decisión do alcalde de repetir a votación. O goberno local non admitiu o recurso, dado que, segundo el, presentouse fóra de prazo. Os populares decidiron entón acudir á vía contenciosa e, durante o proceso, o goberno local, consciente de que non podía gañar, decidiu allanarse e a resolución xudicial foi favorable ao PP. A resolución emitida polo xuíz foi a seguinte: “Debo estimar y estimo el recurso contencioso-administrativo interpuesto por doña María Eugenia Requeijo Chao, frente al Concello de Muras y declaro no ajustada a derecho y nula la inadmisión deI recurso interpuesto reflejado en el acuerdo impugnado”.
O martes pasado celebrou sesión extraordinaria a corporación de Muras. Un dos asuntos a tratar era a moción popular sobre o lobo. Os acordos adoptados foron, por un lado, en función da indicada resolución xudicial, “estimar o recurso de reposición interposto por dona María Eugenia Requeijo Chao, e en consecuencia considerar válida a primeira votación da moción presentada polo Partido Popular contra a orde ministerial de inclusión do lobo no listado de especies en réxime de protección especial, debatida na sesión plenaria do 27.10.2021, cuxa votación obtivo o seguinte resultado: 3 votos a favor do PP, 1 voto en contra do PSdeG-PSOE e 3 abstencións do BNG”. Como consecuencia deste acordo, “considerar aprobada pola maioría da corporación a moción referenciada e considerar revogada a repetición da votación da devandita moción, cuxo resultado rexeitaba a súa aprobación”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
