O portavoz municipal, José María Fernández, lamenta que Trabada, por decisión da alcaldesa, quede sen un campo de fútbol
Trabada, 16 de decembro de 2022. Trabada tiña un campo de fútbol ata que a alcaldesa, Mayra García (PSOE), o desfixo construíndo nel unha pista de pádel. A aposta da Xunta por Trabada permitiu paliar a desfeita impulsada pola alcaldesa, coa construción dunha pista multideporte, para a que o goberno de Galicia aportou 70.870 euros. O portavoz popular, José María Fernández, pon en valor o apoio da Xunta ao concello e carga contra a política deportiva do goberno municipal, que cre froito do total descoñecemento das necesidades en materia deportiva.
O portavoz popular sinala que, coa construción da pista multideporte, resólvese en boa parte a desfeita organizada polo goberno local ao destrozar o campo de fútbol coa construción da pista de pádel. José María Fernández di: “O PP estaba a favor de dotar a Trabada dunha pista de pádel, pero noutra ubicación, porque non é terreo o que nos falta”. Engade: “O campo de fútbol foi obxecto, nun mandato anterior, cun goberno do PP, de importantes melloras. O goberno actual non fixo mantemento ningún do campo e acabou por destrozalo coa pista de pádel”.
Fernández afirma que a alcaldesa engana aos veciños cando asegura que as obras feitas no seu día no campo de fútbol custaron 500.000 euros. Sinala: “Tamén engana aos veciños cando di que non tiña as medidas esixidas, porque a día de hoxe hai campos de herba artificial que non miden máis do que medía o noso, e, en todo caso, había terreo para poder amplialo”.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
