Ribadeo, 12 de decembro de 2022. A Policía Local estivo a realizar controis de alcoholemia, que seguirán nos vindeiros días xunto a outros de velocidade en rúas de titularidade municipal da vila e das parroquias. O alcalde, Fernando Suárez, dixo que o obxectivo é concienciar á sociedade “para evitar que actitudes imprudentes poidan causar accidentes de circulación”.
O rexedor contou que “desde o servizo de Policía Local do Concello levamos xa varios días efectuando unha serie de controis de alcoholemia. Ata o dia de hoxe foron un total de tres, en diferentes puntos da vila. Afortunadamente non houbo que cursar ningunha denuncia por conducir baixo os efectos do alcohol, o cal é unha boa noticia o compromiso que manifestaron os condutores. Este tipo de controis prevense que seguirán no futuro en diferentes emprazamentos aleatorios”.
Suárez Barcia indicou que “por outra banda, nas próximas datas tamén desde a Policía Local se realizarán controis de velocidade por diferentes rúas de titularidade municipal, tanto da vila como das parroquias. Este tipo de servizos tamén serán de carácter puntual e aleatorio. Para iso, axudaramos o vehículo e o material que nos cede a Xefatura de Tráfico de Lugo, en virtude do convenio de colaboración que temos asinado con eles”.
O alcalde subliñou que “o que se pretende con este tipo de accións é buscar a maior concienciación social para evitar que todo este tipo de actitudes imprudentes como o alcohol ou a velocidade poidan causar accidentes de circulación que todo o mundo quere evitar”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
