Ribadeo, 2 de xaneiro de 2023. A cuarta campaña das Panchas, que rematou o pasado 31 de decembro, xerou en Ribadeo 3.822 operacións de compra. O concelleiro de Desenvolvemento Local, Pablo Vizoso, fai un balance positivo.
O edil ribadense contou que “en circulación puxéronse 200.000 panchas, que se esgotaron o pasado 20 de decembro e que se mantiveron en vigor ata o día de fin de ano; destinamos a esta campaña 50.000 euros de diñeiro público para subvención máis 35.000 euros para gastos derivados da operativa, xestión e promoción”.
Vizoso Galdo subliñou que “a cifra de negocio xerado foi de 232.000 euros de forma directa, pero indirectamente o volume foi moi superior. Trátase dunha inxección económica moi importante para os máis de 100 negocios locais adheridos a esta campaña nos últimos meses do ano. Ademais da imaxe tan positiva que isto supón para o sector servizos de Ribadeo”.
O concelleiro de Desenvolvemento Local engadiu que “os datos que nos deixa a cuarta edición da nosa moeda local é que 936 persoas mercaron panchas coas que realizaron 3.822 operacións de compra. Consideramos que son datos moi positivos. É unha campaña moi singular e tamén unha iniciativa moi efectiva. Dende o Concello seguiremos traballando e colaborando co tecido comercial e empresarial de Ribadeo para seguir sendo referencia dun comercio de calidade e de proximidade que axuda a que a nosa vila resulte cada día máis dinámica e interesante”.
Desde Acisa a súa presidenta, Carmen Cruzado, agradece “a organización desta nova campaña das campañas, pola dinamización que supón para os negocios locais participantes. Estamos satisfeitos de ter podido colaborar prestando asesoramento a aquelas persoas (comerciantes e clientes) que precisaron achegarse á nosa oficina para clarexar dúbidas, ao igual que tamén se fixo desde a Área de Desenvolvemento Local do Concello de Ribadeo”.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
