Ribadeo, 20 de xaneiro de 2023. Concello e Acisa fan un balance moi positivo do traballo realizado ao longo destes días en Fitur 2023.
O concelleiro de Turismo, Pablo Vizoso, contou que “ao longo da xornada de onte, xoves, e tamén esta mañá de venres, ademais de participar nos actos organizados pola Deputación de Lugo e tamén na promoción do xeodestino da Mariña, seguimos traballando, establecendo contactos con diferentes operadores turísticos co obxectivo de que inclúan a Ribadeo nos seus circuítos e paquetes turísticos que ofrecen á súa clientela, principalmente a grupos organizados. Para iso puxémoslles en valor e explicámoslles os principais atributos que mellor definen a Ribadeo, como poden ser o noso litoral, as rutas creadas para coñecer as zonas do interior do noso concello, o noso casco histórico en continua rehabilitación, o noso comercio, a nosa hostalería, … Son toda unha serie de valores moi atractivos para quen nos visita. Tamén mantivemos unha reunión moi interesante, que vai dar moitos froitos, coa Rede de Municipios Indianos do Norte de España”.
O edil ribadense engadiu: “agardamos e estamos seguros de que este traballo vai traer uns froitos moi positivos nos próximos meses. E seguiremos así traballando por mellorar o turismo e a actividade de Ribadeo”.
O xerente de Acisa Ribadeo, Jesús Pérez, subliñou o traballo desenvolvido estes días polo Concello e pola asociación empresarial: “puidemos mostrar o potencial turístico da nosa vila a múltiples operadores e axencias de viaxes. Puidemos reforzar a imaxe de Ribadeo como destino turístico para todo o ano, en tempada baixa, fóra do verán e da Semana Santa, con todo o que se pode ofrecer: dende a praia das Catedrais, Ribadeo Ilustrado, Ribadeo Indiano, entre outros diferentes produtos e servizos que ofrece Ribadeo”.
Pérez Prada contou que “pola nosa parte tamén puidemos mostrarlles ás axencias de viaxes e aos turoperadores a ampla oferta de prazas hostaleiras de diferente índole (casas rurais, hoteis de 4 e de 3 estrelas,…) coas que conta Ribadeo; en definitiva todo o que podemos ofrecerlle aos visitantes que veñan, como a oferta de gastronomía dos nosos restaurantes ou da enorme rede comercial que temos en Ribadeo. Creo que demos unha boa imaxe de Ribadeo e levamos a cabo unha boa promoción do municipio, o que considero que repercutirá positivamente no turismo nas vindeiras datas”.
En Fitur estiveron estes días o alcalde, Fernando Suárez, os concelleiros de Turismo e Cultura, Pablo Vizoso e Pilar Otero, a técnica de Turismo, Begoña García, e o xerente de Acisa, Jesús Pérez.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
