O portavoz popular pon en valor os investimentos da Xunta en Burela en materia sociosanitaria e educativa
Burela, 25 de xaneiro de 2023. O PP de Burela expresa o seu agradecemento ao delegado da Xunta, Javier Arias, pola visita a esta vila “para interesarse por distintos aspectos sociais, culturais e educativos, cos que a Xunta de Galicia está enormemente comprometida, así como o propio Partido Popular”.
O portavoz popular, Manuel Rouco, destacou en primeiro lugar a visita ao centro que as Hermanas Rogacionistas del Divino Celo teñen en Burela, “no que desenvolven un labor fundamental, con numerosos menores”. Os populares destacan “o novo proxecto nas vivendas tuteladas que a congregación está a arranxar en Os Castros, que foron subvencionadas pola Xunta con máis de 65.000 euros”. Engade: “É un compromiso do PP a mediación para conseguir máis axudas económicas para que a congregación poida financiar este proxecto tan importante”.
A visita incluíu, explicou Rouco, “o centro de educación primaria Vista Alegre, onde o delegado, acompañado por membros do PP, tomou boa nota das necesidades máis importantes, para telas en conta nos investimentos que en infraestruturas educativas vai realizar a Xunta na nosa vila”. Indicou que a ANPA expresou o agradecemento polas melloras que en materia de xestión e investimento efectuou a Xunta neste centro educativo.
O PP de Burela, comprometido coa protección social
Ao fío da visita efectuada polo delegado da Xunta de Galicia, o portavoz popular, Manuel Rouco, subliñou o compromiso do PP de Burela cos proxectos de protección social.
O PP, sinalou Rouco, “quere converter Burela no centro da Mariña en materia de protección social, sacando para adiante proxectos pioneiros neste eido que xa nos teñen presentado diversas asociacións e colectivos”.
Así mesmo, Rouco defende o deseño e execución dun “plan de mantemento das instalacións que dependen do Concello, como é o caso dos colexios, para garantir unhas condicións óptimas de servizo e seguridade”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
