O PP lucense demanda dende as distintas cámaras inversións ao Goberno central nas infraestruturas viarias da Mariña
Lugo, 25 de xaneiro de 2023. Os senadores do PP lucenses seguen de preto a situación que se vive na Mariña trala greta rexistrada na N-642 que supuxo o peche ao tráfico dun tramo durante a fin de semana e a posterior apertura dun único carril regulado por semáforo á altura do acceso á localidade de Burela. Nese sentido, esixen explicacións ao Goberno de Pedro Sánchez sobre as causas do incidente rexistrado nese punto da principal vía de comunicación da comarca que supuxo importantes prexuízos aos veciños e veciñas e insisten na necesidade de que o Executivo dea pasos firmes na construción da autovía da Mariña, a A-74.
Os senadores xa teñen advertido en numerosas ocasións o atraso nas obras debido á redución das partidas económicas consignadas nos PGE que o Goberno de Sánchez aprobou nos últimos anos ignorando as emendas presentadas polo Partido Popular para favorecer o avance do proxecto desta vía. “O Partido Popular esíxelle ao Goberno un compromiso claro con esta infraestrutura e, polo tanto, coñecer os prazos previstos para a construción da autovía”, indican.
Do mesmo xeito, dirixen ao Executivo dende a cámara alta preguntas sobre os prazos previstos para a restitución da normalidade na estrada nacional N-642 de forma que se garanta o tráfico de vehículos en condicións de seguridade tendo en conta que “esta vía é conecta co Hospital da Mariña, o porto de San Cibrao, os portos de Burela e Celeiro; ademais de ser fundamental para moitas empresas da zona coma as madeireiras, por exemplo”.
INICIATIVAS DENDE AS DISTINTAS CÁMARAS
O PP lucense tense interesado pola situación e tamén urxen -dende as distintas cámaras- solucións e inversións ao Goberno central para as infraestruturas viarias da comarca.
Os deputados presentaron iniciativas no Congreso interesándose sobre as causas, as actuacións previstas e a seguridade dos usuarios ao longo de toda a vía N-642. O Grupo Popular a través do deputado mariñán e portavoz de Infraestruturas, José Manuel Balseiro, reclamou que o Ministerio de Transportes active un plan anual de conservación das estradas de titularidade estatal, simular ao que xa ten a Xunta de Galicia porque “as estradas nacionais son básicas para garantir a mobilidade dos galegos”. E o Grupo Provincial Popular levará ao pleno da Deputación de Lugo do vindeiro martes unha proposta para instar ao Goberno de Pedro Sánchez a “que aposte dunha vez polas infraestruturas viarias nacionais na provincia”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
