Ribadeo, 31 de xaneiro de 2023. Hoxe foi entregado o premio non presencial da XII Festa do Comercio de Acisa de Ribadeo. O afortunado con 250 euros en vales de compra é un veciño da localidade asturiana de Tapia de Casariego. Manuel Ángel Pérez López disporá de dous meses para poder gastar o seu premio nos locais asociados a Acisa.
En total a Asociación de Comerciantes, Industriais, Servizos e Autónomos repartiu 4.000 euros en vales de compra na XII Festa do Comercio, que se celebrou o pasado 14 de xaneiro nunha carpa instalada no parque de San Francisco, “unha cita que reuniu a milleiros de persoas despois de dous anos sen poder realizarse por mor da pandemia da covid”, explicou o xerente de Acisa, Jesús Pérez.
Os premios repartidos entre catro afortunadas ribadenses foron: 1 de 2.000 euros, 1 de 1.500 euros, 1 de 500 euros e 1 de 250 euros, que foron entregados o día do sorteo. “Quedaba por aparecer o premio non presencial. Manuel Ángel Pérez púxose hai uns días en contacto con nós e hoxe recibiu o seu premio, 250 euros en vales de compra para consumir no comercio, na hostalería ou no sector servizos de Ribadeo”, engadiu Pérez Prada.
A presidenta de Acisa, Carmen Cruzado, declarou: “na asociación estamos encantados de ter entregado todos os premios postos en xogo na XII Festa do Comercio. É unha pequena axuda para os negocios locais, aos que as afortunadas e o afortunado se dirixirán a realizar as súas compras ou a gozar da hostalería local”.
Cruzado Iglesias animou “á xente de Ribadeo e da contorna a seguir apoiando e apostando polo comercio local. Os pobos precisan negocios para ter vida propia e o noso pobo, afortunadamente, segue sendo un polo de atracción para as emprendedoras e os emprendedores”. E engadiu: “con todas e todos eles agardamos contar en Acisa Ribadeo. Sempre é un bo momento para asociarse e pasar a formar parte da grande familia desta asociación e así beneficiarse de todas as campañas organizadas, dos convenios asinados e do asesoramento diario que lles ofrecemos ás empresas socias”.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
